من خاطري للشاعر ناصر الفراعنه..

[بندر الشاطري]

الســــــلام عليكم ورحمة الله وبركاته,,

كيف حالكم اخواني ان شاء الله بخير,,

هذا الله يطول بعماركم اللي جال في خاطري بعد خروج الشاعر الكبير ناصر الفراعنه من شاعر المليون

بهالطريقه الظالمه .. ولكن ارجع واقوول مايهزك ريح ياشاعر مضر وانت فزت بقلوب الجميع ,,

اتمنى تنال اعجابكم اخواني :

ياصاحبي شفنـي علـى كثـر مافـات=ارجــع واقــول بضيقـتـي ياحـسـافـه
وارمي همومي في وجيه المسافات=والـوم حـظـي واحسـبـه بالمسـافـه
اعضـاء جسم(ن)عـودت قلبهـا هــات=والقـلـب صـابـر ماشـكـى بالـكـلافـه
اجبـر خواطرهـم وانـا خـاطـري مــات=والـطــف اجـــواء الـنـكـد بـالـظـرافـه
اكتـب قصايـد فـي خفوقـي مجـارات=واحسب حسابي وآتحاشـى اللقافـه
يعنـي عطيـت لـكـل عـاشـق دلالات=يسكنبهـا فـي وسـط قصـر الضيافـه
ماهي محطه برمجت فـي عربسـات=تـبـغـا تـعــوض نقـصـنـا بالـسـخـافـه
وعقـولـنـا تـطـغـى علـيـهـا قـنـاعـات=وقـلـوبـنـا تــمــرض بـمـلـيـون آفــــه
شي(ن)بقوله محرق(ن)فيني الذات=وانقـحـه فــي طــول عـنـق الـزرافـه
ماقيـل قبلـي رغـم حشـو المـقـالات=اللـي عطونـا جملتـه فـي الصحـافـه
ناس(ن)تحكم بالضمايـر فـي الابيـات=ونــاس استغـلـت ضعفـنـا بالضعـافـه
تـعـال نـاخــذ للـصـراحـه مـسـاحـات=ونـصــك بـيـبـان الـزعــل والـمـخـافـه
ماطلـعـك ياصاحـبـي فــرز الاصــوات=وأنـت الخليفـه فــي زمــان الخـلافـه
الله يجـازيـهـم عــلــى هالـمـحـابـات=بعـد الشتـات اللـي عـطـوه اللتفـافـه
ماللزعـل فينـا مــن الـعـام شـرهـات=قلـنـا خـطــا ثـــم ابتسـمـنـا لـطـافـه
ياصاحـبـي خـلـه طـريــق المـطـبـات=بيـت الله اولـى نجتهـد فــي طـوافـه
والا خـسـارتـنــا تــراهـــا ســهـــالات=خــــل الـمـهـنـا يـهـتـنـي بالـكـنـافـه

وسلامتكم ...

أخــــــــوكم \ بندر الشاطري المطيري

[الحميدي محمد الفراعنه]

مرحبا بك أخي في هذا الصرح



وصح لسانك ونشكرك على هذا الشعور الطيب

[خيَّال الغلباء]

أخي الكريم الشاعر / بندر الشاطري المطيري السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شانك على هذه الرائعة من بوح خاطرك الشجي الجميل ولقد فاز شاعر الاصالة والتجديد صاحب المدرسة الفرعونية بقلوب عشاق الأصالة والشعر الرصين في كافة أنحاء الوطن العربي الكبير وفوزه غطى وإجتاح البرنامج بأكمله وعن بكرة أبيه حتى لا يكاد يذكر أمام الفوز الساحق الذي حققه شاعر مضر والجماهير والثقلين والوطن الكبير المجدد / ناصر بن محمد بن فارس الفراعنة السبيعي وفقه الله وقد اتفقت على شعره وعلى فوزه جميع الأذواق من جميع المشارب في كافة البلاد العرب هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .

[حمود الحكيم]

صح لسانك وبيض الله وجهك يابندر



تحياتي لك

[(سبيعي وافتخر)]

صح الله لسانك
ومشكور

[سهيل]

صح لسانك يابدر وبيض الله وجهك

[ابو سعود 99]

الأخ بندر الشاطري بيض الله وجهك وصح لسانك على هذه القصيدة الرائعة والتي اصبت الحقيقة فيها