أخوي/ أبوعمر............إخواني أعضاء المنتدى.
هذه إستكمال بعض سوالف/ ماضي إبن جويريه وقصائده وهذا الرجل مهما
قلنا لن نوفي في حقه وهو غني عن التعريف ومن مذاريب سبيع.
اشتهر عند البعيد والقريب بكرمه لمن جاه وإعتلت سمعته حيث الكل محق
في نخله الطرقي والقريب كل من جا قال: هذا نخل إبن جويريه وصارت
هذه الكلمة مترددة بين القبائل( رحمه الله وأموات المسلمين ).
إليكم بعض قصائده:
يا غارسين الغرس ينقاد لكم الرجى == عشر سنوات ما لحقنا جمايله
منهن ثلاث سنين ننثر له الندى== والرابعه قدنا نرفع شلايله
والخامسه من بينه الجريد النقى== والسادسة قدنا نفتق جلايله
والسابعه فيه الميقاظ استوى==والثامنه يشوف عين تخاليه
والتاسعة يعجبك لا سلم من الردى==والعاشرة يشكي من الدبس كايله
وله اللي يقول فيها :
غرسي اللي رسى وسط الزباير == في ذرى اللي معدين جنابه
وله:
غرسي صغار تو طلع ثماره == وشوف العرب في وسط غرسي محلين
أما القصيدة التي أورد أبو عمر منها بيتين صحيحة سوف تطرح مع قصتها
لاحقاً إن شاء الله.
ويقول فيه الفارس والشاعر/ عفتان إبن فليح السودة سبيع.
يالله يا قايد حبال النصيبي == ابرج العينن ممرحت من سهرها
وأنا بدار مدلهيني الغريبي==هل بلدتاً ما يبخلون بثمرها
انجورهم بالليل تقنب قنيبي==ودلالهم فيها العويدي ذعرها
لا جيت عاني فنحر المستديبي==يمناه على الكبش المربى خطرها
له دلة صفراء عليها نجيبي == وإن ضاق شراب الحشايش نحرها
وإنتظروا المزيد إن شاء الله.
تقبلوا تحيات أخوكم/
المنتبه
غير متصل
سوالف ماضي إبن جويريه وقصائده...................
