طاروق جديد

[أبو نواف]

سلام ردية وفاء ياعضاء سبيع = نجس فيها النبض واحوال البلد
والشعر مثل النجم بادي في سماه = العمر يفنى والليالي دوبها

نبي نقد الذهب نبي نشري نبيع = ونساجل الشعار ندٍ ضد ند
وعزي لمن ينشب لسانه في جماه = والعمر يفنى والليالي دوبها

[خالد الشماسي]

يا هلا بك يا ابو نواف

يا مرحبا في ساحة الحصن المنيع = اقلط على المركى ولي يمناك مد
والحب والطاحن يديرون الرحاه = والعمر يفنى والليالي دوبها

السوق مفتوحه على الخط السريع = جرب عمولتك الجديدة واجتلد
وكل تبا تعرف علومه من نباه = والعمر يفنى والليالي دوبها

[أبو نواف]

ياهلابك أكثر
واستلم

دام البقا ولياك سمنك لا يميع = من يجتهد يجد ومن يزرع حصد
ليه انت تنشد عن عداه وعن بداه= والعمر يفنى والليالي دوبها

يافكرتي لاجاتكم من كل ريع = ياوش تشيل وش تحط ياوش ترد
وإن كان مالك واهسٍ فهدم بناه = والعمر يفنى والليالي دوبها