منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
سلام يا عتيبة الهيـلا مكملـة المواجيـب=سلام أحلى من الماء للظما لا حميت البيـد
الطيب ينسبلكم ماانتم حديثيـن التجاريـب=لا والله إلا جبـال راسيـة والعلـم تأكـيـد
يا فزعة اللي من اللوعات يسمع عوية الذيب=جمال وإلا بعض خلق الله سـواة المفاريـد
في قمة الطيب كله وين عاد تـدور الطيـب=لا جاكم العلم وقـف مايـدور زيـد وعبيـد
أنتم كما النور الأبيض لا طلع فوق المراقيب=لكم على المجد والعليا ليا صعبـت مواريـد
ماانتم بحاجة كلامي يا مرويـن المحاديـب=لكن طار ٍ طرالي يوم أسخـر شـرد الغيـد
صح لسانك ياخوي ولاهنت
وعتيبة تستاهل المدح والله ونعم بهم
رنـيـه وطــنـا مــتــبـدل بالابـــدال=نخلص لها دايم وبالعهد نافي
نسمة هواها تنعش القلب والحال=تشفي الفؤاد وللجريح تشافي
في ضفاف واديها بساتين وضلال=والجو فيها دايم الدوم صافي
أخي الكريم الفاضل الشاعر / مبارك بن مقين السلام عليكم ورحمة الله وبركاته وبعد : صح لسانك وسلم نبضك وبنانك وإعتلا شأنك على هذه القصيدة الرائعة والمعبرة وتستاهل عتيبة الهيلا ولك لغة شعرية عذبة لا تشبه أحدا إلا أن عليها بصمة خاصة لمبارك مقين والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام والله يحفظكم ويرعاكم مع خالص التحية وأطيب الأمنيات واسلم وسلم والسلام .
السنين القشر تخلف هقاوي من هقا...
والدهر مركز تجارب وميدان فسيح
وش بقا ماعلمتنا الليالي وش بقا...
كل يوم درس باسلوب ولسان فصيح
ياهل المعروف كل شقا باللي لقا...
والحظيظ اللي من الهم قلبه مستريح
بين لحظات المفارق ولحظات القا...
تتضح لك صورة الود بالمعنى الصريح
زبدة الخافي تبين ليا خض السقا...
والصدور اللي بها شر يفضحها الكحيح