منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قالوا اللي يجهل الصقر خطرن يشتويه = واجد اللي لويصيده هالايام اشتواه
عطني الجمس اصبح الوجه والددسن مابيه= ضايقن صدري من العام مدري وش بلاه
اسرد الكبوت لولاي اعرفه ماشتريه =كن هديره صوت سيلن حدرله مع نحاه
مفرعه مفرع هنوفن تلدلها الوجيه=طبت الملعب وعشاقها زادت ضماه
قيره اصبع فرخ بلجيك والطاره عليه = اشهد انه في الصناعه رفيعن مستواه
انسيابي كن اعضوده عضود الاندريه =والكمر من حدر صدره مثل جنب الصفاه
كنه اللي طب في المعركه من دون اخيه=ابلجن بالسيف الاملح حما وجهه قفاه
يوم تهوي سلته والمقابض في يديه= لين طاح اللي عن الناس مايمنع خطاه
حمل العده و مسلوبتن مثل الجنيه=كنها داب المصايد يبى حروة عشاه
ذا هدف بالي وهذا هوى اللي مهتويه=غير هذا متساوي ريالين الحياه
لاضربنا خايعن ذي دروب السيل فيه=النحى مجروح والمستوى ماشِرب ماه
ام سالم كل روضن تجيه وتعتليه= معجبه في زين نبته وفي وحشة خلاه
ذي طرات العمر قدام يومن مقتفيه= كل شيئاًًً له نهاية وياصل منتهاه
غير متصل
