رد : ¬°•| حصريا : ترقبوا زيارة الشيخ/ زيد بن ناصر المليحي لدولة الكويت |•°¬
كُتب : [ 16 - 11 - 2008 ]
بيض الله وجهك وما قصرت يا أبو خالد وتشكر مقدما على التغطية والشيخ / زيد المليحي يستاهل والله يحييه عند ربعه في الكويت وليست غريبة على صاحب الحفل الأخ / دهيم بن مقعد بن حسن الرويبي السبيعي وإخوانه الكرام فأبيهم الشاعر الكبير / مقعد بن حسن الرويبي السبيعي رحمه الله وأسكنه فسيح جناته القائل :
ما عن جليل الملك شيء توارا
= عنده جميع الخافيات مخبوره
منه الغناه ومنه فقر الفقارا
= والضر منه ومنه رفع الضروره
ما خاب من هو لاذبه واستجارا
= ونفوس من لا راقبوه مغروره
يا الله بعفو منه ذاك النهارا
= يومن عباده للحساب محشوره
يغفر كبار ذنوبنا والصغارا
= مودع ذنوب أم الذنوب مغفوره
دنيا البنادم ما عليها قرارا
= تمسي لها صوره وتصبح بصوره
عنها سليم العقل يدري ويارا
= السكه اللي كل يوم معبوره
اللي بيدرا ما يفيد المدارا
= قدم قضاء القاضي تقدم سبوره
ما عاد به بيع ولابه مشارا
= والقرض زل وفات حتنه ودوره
والصبح من سود الليال يتثارا
= يكشف غسقهن لا تبين بنوره
اللي بنا دون الحقيقه ستارا
= معلي سوره يطوّل شبوره
لو من حديد وبانيته النصارا
= يمحى مع الأيام بنيه وسوره
النوم طب للعيون السهارا
= اللي وراء من صد عنها نظوره
تحتار وأهل العرف منها حيارا
= تضوي مع الغافل وتنشر نشوره
جريّة بالشوف ما تنتجارا
= وإن فاتها نظره عليها غيوره
وبل المطر لا هل طاح الغبارا
= وأحيى ديار مسنيه ومهجوره
عسى البيوت العامره بالعمارا
= تبقى على طول الليال معموره
لأهل الشرف والجود فيها وقارا
= ذرى وظل إن صار وقت الحروره