بسم الله الرحمن الرحيم
اعجبتني قصيدة اخي العزيز المزاح ورد اخي العزيزابو عمر عليها واحببت ان اجاريهم بهذا الرد الذي اتمنى
ان ينال استحسانكم
[poet font="Arial,4,deeppink,normal,normal" bkcolor="transparent" bkimage="backgrounds/18.gif" border="double,4,gray" type=0 line=350% align=center use=ex length=0 char="" num="0,black" filter=""]
باسم رب البيت حامي حمى البيت الحرام = بابتدي باسمه وباقول عفوك يارحــيم
ثبــت اللي جاك راجيك وذنـوبه عظام = ماقصد غيرك ولاغير عفوك يستهــيم
بعدها شفت المباني وتغريد الحــمـام = شاقني طاروق الاخوان والصوت الرخيم
جيت اشارك وابدي الراي ويبين المرام= واعلن اشواق ٍ لجت فالحشا وسط الصمـيم
للرفاقه طيب ٍ اكثر من رمال العــدام = ولك ياخالد طيب ٍ اطيب من تمور القصيم
وللعديم اللي على ماكر اهل الطيب حام = وانتشى في شوفهم لابته واصبح مقيـــم
لابته هم لابتي تاج راسي والحزاااااام = ياسبيع العز ياهل الصراط المستـقـيــم
[/poet]
وهذه قصيدة اخي المزاح
[poet font="Arial,4,firebrick,normal,normal" bkcolor="transparent" bkimage="backgrounds/18.gif" border="double,4,gray" type=0 line=350% align=center use=ex length=0 char="" num="0,black" filter=""]
جتني الدعوه ورحبت وابديت السـلام= وآتشرف يوم اشارك واقول الله كريم
منتدى السبعان ربعي تعلـى بالغمـام= واذكر الله وآتعوذ من ابليس الرجيـم
بيض الله وجه من يستحق اغلى وسام= صممه واخرجه للناس بالشكل الوسيم
اشهدٍمايلحـقـه لاكــلام ولامــلام= وكل قسمٍ صار بْاشراف رجالٍ حكيـم
ماتوقع له شبيهٍ سـوى بـدر التمـام= منتدى وآحلى اساميه يالغلبـا عديـم
بالجزاله فالمواضيع ياعيـال العمـام = اشتهرنا مثل طيـرٍ يداعبـه النسيـم
وبشاعر الفصحى اقتدينا وذبينا السنام = ْ{العضايم تصغر بعين رجـالٍ عظيـم
[/poet]
وهذه قصيدة اخي ابو عمر
[poet font="Arial,4,red,normal,normal" bkcolor="transparent" bkimage="backgrounds/18.gif" border="double,4,gray" type=0 line=350% align=center use=ex length=0 char="" num="0,black" filter=""]
لا ذكرت الطيب والمجد والناس الحشام= قدم المزاح لا من كتبت اللسـت نيـم
راعي الطالات والجود مرفوع المقـام= له معـزه ثابتـه والله العالـي عليـم
ما بنينا المنتدى غيـر للنـاس الكـرام = قاصرينه عن ردي العزايـم والحريـم
أنتم انجومه ليا صار بدر فـي ظـلام = بيـن عالـم وامتعلـم ورجـال فهيـم
تاج راسي ربعي اللي يضدون الزحـام = طيبهم ساس مسيس على الراس القديـم
جامعين الطيب والمرجلـه والإحتـرام = ماخذين الطيب فطرة زعيم عن زعيـم
لو بنتبع بازغـات المعانـي والكـلام= طال ردي واقبل الشكر يالقلب السليـم
[/poet]