|؛¤ّ,¸¸,ّ¤؛|السلام عليكم ورحمة الله وبركاته |؛¤ّ,¸¸,ّ¤؛|
احب اقدم لكم هذه القصيده والذي اتمنى ان تكون عذر ليه عن طول الغياب
وان تشفع لي عند احبابي الغالين
وان تنال اعجاب
متذوقي الشعر واعضاء المنتدى الاحباب
بين جده ومكه هل دمع ٍ مضكه مثل سيل الجبال=والسبايب عذابك ياعذابي صوابك ماترفق عليه
ليه تقساء بـ ردك وانت ليه مردك ليه تجفاء الوصال=دام تعرف غلاتك وش حياتي حياتك انا لك وانتَ ليه
جيت يمك مروق رحت منك مطوق في ضلوعي نزال=جند شوقي تهاوش في خفوقي تناوش مثل حرب السريه
لا تجيني بعذرك بعد ما بأن غدرك روح ونسى الوصال=من غرام ٍ طرالي كافي اللي جرالي ماتحمل شويه
يوم جوك مزاجي ليه تكسر زجاجي الهوى مو قتال = خل قلبك رحيم ٍ لو غدابه عديمٍ لا تصير انت زيه
ياوجودي وجود اللي تعدى الحدود وضاق صدره وقال=يانجوم الثرياء وين ذاك المحياء يوم نضحك سويه
اطردوه الجماعه حين ذاق المجاعه ما فزعو له رجال= قالو اندر وفارق دامك اليوم سارق حل عنا الثنيه
عشرة سنين روح لا نشوفك تسوح بين زمل الحلال=خل بيتك وساسك قبل مايروح راسك مثل راس الضحيه
انظلم بين ربعه قام يحسب لسبعه من يعول العيال=قال يالله دخيلك مالي رب ٍ مثيلك ياوكيل الرعيه
ودع البيت ضايع في حياة الفجايع قبل وقت الزوال=قال طفله يابويه اعتبرني وخويه نفتديك القضيه
قال يابوك حلت والمحاجر تملت مير هاك المثال=أصبر ايوب صبره لين غصته عبره ماتفيد البريه
الله اللي خلقنا والله اللي رزقنا ماعليها جدال =خل ربي رجاكم والله ان يحماكم وانتبه للوصيه
طاحت الشمس ومرح كل مخلوق وصبح والنوايا شمال=يمشي الليل كله مع نهار ٍ يمله طعمة الزاد ميه
بعد عام ٍ يعدا وصل دار ٍ يقدا غاب شوفه وزال=من غرابيل وقته كاتم الهم صمته بالحياه الشقيه
صار جسمه نحيل يشيل هم ٍ ثقيل ولايشيل الثقال=بالصحاري تمرض للمخاطر تعرض والسموم الرديه
يوم سمع الخليقه صاح صيحة طليقه عذبتها الحبال =قالو الناس وشبـه بالصياح ايتشبه قال نفسي بريه
شهر يبحث دواه اللين طاب وللقاه وصار شوفه ميال=سمع القوم رده عن سبايب مصده وين ذيك الحميه
هل دمع المحاجر قالو ابشر بتاجر يوصل العلم حال=له مزارع كثيره عند قصر الاميره فالحياه النديه
وصل العلم يمه ثم للبس المعمه قال يالله تعال=دوك عشرة مزارع في بساتيني طالع مير نوصيك ريه
كل عام ٍ تجازى حسب شوف المجازى حين تعمل تنال= كل عام ٍ بعشره عند بيعه ونشره عند بيع السريه
كمل العشر وامضاء بين شمس ٍ ورمضاء مل صبره وطال=جمع امية دراهم لجل خاطر رضاهم حين طرد المسيه
شال زاده وحرك زاده اللي تبرك فوق متنه يشال=طامع ٍ في عياله يوم يجمع حلاله بالصفات النقيه
كمل الحول راجع يشتكي بالمواجع عل حل العدال=يوم وصل الحدود اللي عليها جنود و راح مال المطيه
سرق حقه وكلش والله اللي تبلش بعد ما الظلم جال=هل دمعة عيونه من محاجر جفونه حتى غرق فريه
شاف بيته مهدم ثم تراجع وقدم قال هذا محال=وين بيتي ياربعي وينها امي وسبعي وين ذيك الثريه
قالو امك توفت عن حياتك تخفت راحت لذو الجلال=سبعة عيال راحو بعد مارحت صاحو بين دب ٍ وحيه
صاح صيحة يتيم ٍ في حياته سقيم ٍ ثم ودع ومال =شهقة انفاس صوته يبكي العين موته داهمته المنيه
كل لليل اتوجد راح وقت التهجد والشقاء لايزال =مرت سنين عمري والموجع بصدري لجل ذيك الصبيه
أشرب المر مره واشرب الهيل مره وسط صفر الدلال=ماهنالي معيشه بعد فارقة ريشه ذاك رمش العذيه
والله اني معذب من غرامه مشذب ماهنالي زلال =علقم المر ذقته في ضلوعي دفقته سم فرقا البنيه
وين قفا حياتي وين روح غناتي وين راح الدلال=شوق قلبي يسوقه والرطب في عذوقه والزهر من نصيه
يمتلك كل زين ٍ بين خشم ٍ وعين ٍسيدات الجمال =لو يشوف ٍ عينه راح ٍ امن المدينه مالهن مقدريه
عينه اليا تبرقع مثل ضبين تفرقع شاف زول وضلال= شعره اليا تحرك قلت لله درك بين طيه وطيه
لو وصفته عجزته عن عدايه حجزته هو شبيه الغزال=حظ من نال قربه حظ من شاف دربه ياهنيه هنيه
ليه تقسى عليه وانت مني وفيه ليه تنسى الوصال=الموادع يدمر والمحبه تعمر شوف وسأل طميه
اخوكم الشاعر/ عبدالله المديري السبيعي
غير متصل
