إخواني الأعزاء / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبعد : هذه قصيدة قالها أحد شعراء قبيلة العزة من الصعبة من بني عمر من سبيع الغلباء والقصيدة تعبر عن نفسها ويقول فيها :
أول قولي بسم الله= رب البيت ورب الجاه
وأثنيه برجوى الإله= غفار الذنب الرحمن
من بعده ثولثت القول= باللي ما قال المعقول
ولد عبد الدايم بطول =خلط بالنتن الريحان
ولد العنقاء ما جيناه= وفي حقه ما ظلمناه
ولا يوم خاصمناه= بتقليب علوم الشيبان
في قصيده راس اللوم= لا بالبيع ولا بالسوم
بدّع قاف فيه الشوم= من زينه ما به نقصان
إلا خلط الذيل براس= مثل الحواء بالبسباس
لبّس شئ به مساس= مثل تلبيس الشيطان
يقول إنه ولد أمير= وأقول هذا ما يصير
قول بشهود وتعبير= الإماره بكحيلان
أبو شعيفان العديم= لعزوان الغلباء زعيم
راع المعطا يا غشيم =مضافه ما له بيبان
ذيب يفرس باّياديه= ما يتنى من يعشيه
واللي مثلك ما يؤويه= إلا خباري ماوان
وكل اّل الغلباء أسود= إلا أنت حبارى نفود
دايم طبعك فيه لهود= من فعل عيال الشيخان
ما عرفوا جدك وأبوك= ولأهلهم ما ضموك
منكرينك ومسحوك =من عهد فيه الجدان
وصية كبار لصغار= كاتيمينه بالأسرار
علم معروف قد صار =عند ابن الكويري شعيفان
عيال عمك بالشمال =مرجعكم عند ابن رمال
ما أنتمب لجدي بعيال =وبعلمك هذا غلطان
حنا ديرتنا معروفه =الحاير يا زين وصوفه
غينه بالوادي مصفوفه= يرجى به فضل المنان
ما شريت أرضه بفلوس= ولا دار ابها الجاسوس
خذوها بشلع الروس= من متونه سل قروان
العزه ربعي عمروها =وبقلوب صمع حاموها
أهل المثلوثه اغرسوها =بظهرتها والطمان
القهوه فيها بريه =قطفة موسمها نقيه
واعذوق التمر العذيه= نقلطها للضيفان
ويقلط معها الضمين =الضان الحايل سمين
ميسور ذربين اليمين= بني عمر الظفران
وشيخة ربعي في فلاح= قيدوم زحول الكفاح
راع الغلباء والرماح =والفرنجي شيشخان
ابن جفران الحميد =بالشيخه ما له ضديد
ظني قلبه من حديد= وربعه عز للجيران
أبو سعد ما أحلاه= سكر نبات جناه
لضيوفه دايم عشاه= كوم مراديم سمان
ولابة الشيخ أواليد =يشيبون الوليد
لا جاء نهار الوعيد =مقدم أشخاص الفرسان
سل عنهم لا جت بالكيد =شمر مع ابن رشيد
صيدة ربعي عز الصيد =قلع الخيل من الشجعان
وسل عنهم جمع الأتراك =وردوهم للأدراك
في يوم ما به فكاك= ذولا ربعي بالميدان
وذيدان العزه بسبيع =ما جمعوها بالبيع
وارثينه تتابيع =ومقياضها في بنبان
واّبار العزه معروفه =خذ نثايلها بوصوفه
ما عقب الحوطه وجروفه= لأقصى فياض الصمان
وهذا زمان محتاس= يرث بالنفس الوسواس
أبشر يا نايد الناس= بالصدودا والهجران
مدحت رجال بالصيت= نصف حي ونصف ميت
ما هم مثلك عكاريت =عقب سبك يا فسقان
واللي يدين ويتدين= ترى عيبه لك تبين
وإن كان تقدر لا تلين= مد سبوقك يا حميدان
وختامه مني نصيحه= أقدمها لك صريحه
ترى فعلك ذا فضيحه= تنسب نفسك للسبعان
منقول وأنتم سالمون وغانمون والسلام .
التعديل الأخير تم بواسطة خيَّال الغلباء ; 20 - 08 - 2008 الساعة 19:30
الله لا يهينك على القصيدة
ومشكور ........
ولد عزوان
عجزت القى عريبن اذخره للملزمات حزام= الا يا قل خلان القسا ها الوقت با الناسي
الى ضقنا وقلنا قالو اهل الصدق ما نلام= تقول بنا من اسباب الخطا والحيف وسواسي smf511@hotmail.com
السلام عليكم ورحمة اللة وبركاتة :
والله يامسلط ياولد عمى كل الى قلتة عسل ونفسى اجى اشووووف الحاير لانه كل اخووووانى جوووو الحاير الا انا ما حصلى الشرررررف لاكن انشاء الله بقرب فرصة راح اجى واله يهنيكم فيهاااااااااااا ................. وسلام ختام
الاخ ولد عزوان والاخ ابو حفص السلام عليكم ورحمة الله وبركاته وبعد شكرا على المرور والحاير تستاهل اكثر والله لايهينكم جميعا وكل علوم الغلباء عسل والسلام
لي عدت فعول القبايل والأفخار = لنا من الناموس مثنى ومربوع
فعول عسرات على كل مختار = نهوم للعليا بشيمات وطبوع
بني عمر بالله لهم حظ وأنصار = شر على اللي يلبس الجوخ ودروع
حنا هل الملحة وحنا هل الكار = من مثلنا يدي بها رجل جربوع
بني عمر يدون بكبار وصغار = ووجيههم ما تعطي البطن منفوع
الجليس الصالح كحامل المسك والجليس السوء كنافخ الكير