منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
هذي قصيده ارسلتها الى احد خوالي وهي مداعبه مع خالي
والملقب بابو دهيره
عندما اتى من حايل على الرياض متوجه الرنيه وعلى دنه
وقمت اهيجن هذه الابيات والشباب ماقصروا سجلوها
وارسلوها له وهو رد علي ويل ليته مارد
طبعا القصيده
ابو دهيره يكد وراكبن دنه
اموجه الخط لدار الجنوبيه
قامت تتفتف وجا لسيورها حنه
واخاف نص الطريق يطير بوجيه
يندم على سنين مرنه وعدنه
ومافات ماعادله عوده ولا جيه
اثر الليالي بتال الوقت صحنه
من يوم دور مع العربان نشميه
ههه
ورد علي وقال
عبر الوسايط لفاني علم لكنه
مدري صحيح الخبر ولا تجاريه
ابو دهيره هبايب نجد بارنه
مرن على موتره وامرار رجليه
يقطع فجوج الخلا في لاهب الكنه
يومن بعض العرب عينه على الفيه
والله خلق للعرب نارن مع جنه
في ساعتن تفرق الحسنه عن السيه
هذي قصيدة أرسلتها إلى أحد خوالي وهي مداعبه مع خالي والملقب بأبو دهيره عندما أتى من حايل على الرياض متوجه لرنيه وعلى دنه وقمت أهيجن هذه الأبيات والشباب ما قصروا سجلوها وأرسلوها له وهو رد علي وياليته ما رد طبعا القصيدة :-
أبو دهيره يكد وراكبن دنه=اموجه الخط لدار الجنوبيه
قامت تتفتف وجا لسيورها حنه=وأخاف نص الطريق يطير بوجيه
يندم على سنين مرنه وعدنه=وما فات ما عاد له عوده ولا جيه
أثر الليالي بتال الوقت صحنه=من يوم دور مع العربان نشميه
ههه ورد علي وقال :-
عبر الوسايط لفاني علم لكنه=مدري صحيح الخبر ولا تجاريه
أبو دهيره هبايب نجد بارنه=مرن على موتره وامرار رجليه
يقطع فجوج الخلا في لاهب الكنه=يومن بعض العرب عينه على الفيه
والله خلق للعرب نار (ن) مع جنه=في ساعة (ن) تفرق الحسنه عن السيه
هذي وسلامتكم
أخي الكريم الفاضل الشاعر / الشاهق بعد السلام كل عام وأنتم بخير وصحة وسلامة وشكرا جزيلا لك على هذ القصائد المعبرة وصح لسانك وسلم نبضك وبنانك وإعتلا شانك والله يعافيك ويبارك فيك ويجزاك خيراً ويبيض وجهك يوم تبيض وجوه وتسود وجوه ولا هنت هذا وتقبل فائق شكري وامتناني مقرونا بجزيل محبتي واحترامي والله يحفظكم ويرعاكم واسلم وسلم والسلام .