تغانمت مزموم الحجا دامني بعصير

[مبارك مقين]

انا لطرقت القافية يسر التيسير=لونها الصفاه اللي حصاها جلاميدي
ولا نيب احب الزود والنقص والتقصير=احب الصراحه واضرب الحيد بالحيدي
ترى الصبر في غير السنع ماذكر بالخير=يقولونه اصحاب المعرفه تراديدي
وانا اللي صبرت وجال صبري علي تاثير= طلعلي طلوع سهيل على المفاريدي
يحن الخفوق لتضايق حنين بعير= تذكر مداهيله وذيك المواريدي
تغانمت مزموم الحجا دامني بعصير= ابى مدت الدربيل مع جرهد البيدي
على وسق عملاقن مراد الوحش والطير= حدا الناس دونه نازحات الجراهيدي
هواجيس بالي فرته مثل فر السير = على متن مكراتن من النتــل غريدي
بسوق الركايب قدم للنصر والتحرير= تاطى في سماريها الحيا يا المجاليدي
اولع فتيل النار والي يصير يصير= رضى حضرمي وش عاد ولا زعل زيدي
بلشنا بناسن تحسبن البحر غدير= تمشي قضاياها حظوظ الاجاويدي

[ابومحمد11]

مبارك صح لسانك

[ابـــن مهـــراس]

صح لسانك والله لايهينك

[مبارك مقين]

صح بدنك اخوي ابو محمد

صح بدنك اخوي ابن مهراس وتسلم

ولا هنتم

[ابن جعوان]

------>

صح السااااانك وسلم بنانك
شكرا على القصيدة
الراااائعه لاهنت

<------

[العضيب]

اولع فتيل النـار والـي يصيـر يصيـر رضى حضرمي وش عاد ولا زعل زيدي
بلشنا بناسـن تحسبـن البحـر غديـر تمشـي قضاياهـا حظـوظ الاجاويـدي




صح لسانك

كم انا فخورا بك يابو بندر

[مبارك مقين]

الفخر لي ياولدالعضيب بأعجابك بقصيدتي والله يحيك عدد همال المطر

[مبارك مقين]

ابن جعوان هلابك ياالطيب وتسلم على المرور والتعليق

[مبارك مقين]

ابن مهراس الله يحييك وتسلم على مرورك وتعليقك