لو كان نفسي تشتهي لقمة الرز=ما سقتها للشيخ مـن شـان رزه

[جزل العطايا]

	احدٍ تحركه المشاعـر ويهتـز .........................واحدٍ سواليف الخطا مـا تهـزه بعض العرب ياشيخ ما يقبل الكز ..........................شيخٍ ولا شيوخ القبايـل تكـزه والبعض عايش في حياته مدزز ...........................من وين مـا ودك تـدزه تـدزه ان قلت له ياطيب فالي مع الوز ............................قال اعتبرني يابن الاجـواد وزه وان قلت له عنز عن الجود عنّز .............................ويصافحك لو تبتدي في مكـزه هذاك لو تسلب معاليه ما اهتـز ................................ما تستفـزه لـو تبـي تستفـزه ولا فانا ياشيخ عايـش معـزز ...............................لي هيبةٍ من فضل ربي وعـزه قلبي واعرفه لا توحا الخطا فز ..................................لحيث له مع عزة النفـس فـزه لو كان نفسي تشتهي لقمة الرز ..................................ما سقتها للشيخ مـن شـان رزه اعز نفسـي وابتعـد واتعـزز ...................................لا صارت الدعوى تطول المعزه اما حيـاةٍ كلبوهـا علـى عـز ...................................ولا فلا لي عنـد الاجـواد رزه احدٍ بدون مجامل الناس مرتـز ......................................واحدٍ ولو تجاملـه مـا تـرزه جــــــــــــــــــزل العطايا

[ناصر المديري]

صح لسانك مليون ..

لا فض فاك يا جزل العطايا ( عطيتك جزلة)

سلمت يمناك على ما كتبت وتقبل تحياتي

[ابن سلامه]

حلووووووووووووووووووووووووه اخوي وبيض الله وجهك



اايه ياعيال عمي اثروا المنتدى نبي حاجات حلوه زيي اللي قالها جزل العطايا



البركه في الاعضاْء مع اني انا مقصر في حق المنتدى


شكراااااااااااااااااااا

[جزل العطايا]

شكرن يالربع على المرور والله لا يهينكم

[أبوعبدالله]

اعز نفسـي وابتعـد واتعـزز
...................................لا صارت الدعوى تطول المعزه

ما قصرت وبيض الله وجهك

تحياتي

[عز لعرب]

قلبي واعرفه لا توحا الخطا فز
..................................لحيث له مع عزة النفـس فـزه
صـح لسانك

لا هنت

[جزل العطايا]

شكرا على المرور ياربع ولاهنتو وابشرو بالعطايا الطيبه عن قريب

[مشعاب]

100%


دائم انت ياجزل ما تجيب الا الطيب لا عدمناك


[01]اخوك مشعاب اخو عجراء[/01]

[ابــو مـحـمـــد]

لاهنت على القصيده الطيبه واسم على مسمى جزل ياجزل

[ماضي المديري]

قلبي واعرفه لا توحا الخطا فز=لحيث له مع عزة النفـس فـزه
لو كان نفسي تشتهي لقمة الرز=ما سقتها للشيخ مـن شـان رزه
اعز نفسـي وابتعـد واتعـزز=لا صارت الدعوى تطول المعزه