"
*·~-.¸¸,.-~*السلام عليكم ورحمة الله وبركاته*·~-.¸¸,.-~*
والشهر مبارك عليكم جميعاً اخواني اعضاء وزوّار منتدى عزوتي الغلبا
أولاً أعتذر من إنقطاعي عن هذا الصرخ الشامخ ولكن للضروف أحكام
ثانياً آآ مل لهذهِ المتواضعه القبول عندكم وعند شرواكم من الغانمين ,
؛؛
ناسٍ تشيل بشوت وتزمزم ختوم = وناسٍ تدوّر رزقها بالمعونه
وقتٍ منه سحم السراحين محروم = ذنبه عزيز .. ولا يداني المهونه
"
واقعيه إليكم كامله
الحاجه اللي حدّت الحر للبوم = يدفق دماء وجهه ويرخي متونه
لاشك انا عنها من رجالٍ تشوم= لو كان حظي مكسّراتٍ قرونه
راضي .. بكل اللي مقدّر ومقسوم= حتى ولو كتفي ثقيله ديونه
أبيع وأشري وأفرق السوم واسوم= والطيّب الوافي تراني زبونه
وأصبر على حمل الثقيلات وأقوم = بحمول غيري وأرتكيله وأعونه
وأعز نفسي عن هفاليت ورخوم= وأشوم عن ممشى الخباث الخيونه
خطوى الفتى يبعد عن الشك واللوم = يحفظ وصية من تسبّت جفونه
يطلع نداويٍ شهر يكسر الحوم =حرٍ يداوي كل كبد مغبونه
زحزوح طحطوحٍ يعدّي عن القوم = لافرّع المزيون وأظهر قرونه
يصبر على ماجاه والصبر معدوم = لو تقصر علومه وضنّه يخونه
لكن .. هذا الوقت مكسّر خشوم = يكسر جناح الطير / يخلف ضنونه
وقتٍ منه قلب الشفاليت مهموم = يذوق منه الويل / يدرس فنونه
والصبر يعطينا من الحكمه علوم = والراشد العاقل .. ضميره يصونه
ويوم أتفكّر في الملا قلت ياقوم = يلعنك ياحظٍ تحطّم ركونه
ناسٍ تشل بشوت وتزمزم ختوم = وناسٍ تدوّر رزقها بالمعونه
وقتٍ منه سحم السراحين محروم = ذنبه عزيز .. ولا يداني المهونه
في نظرتي محروم حتى من النوم = وآعزتاااه إلحالته .. وإل عيونه
غير متصل
