منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
علام الهام ضو الهام مشعل في قصيدي جور=تزاوير الغلا جارت عليّه يا شقاة العين
يزور الزور من درعه وياصل كفة المنجور=يمر ساقه الى طاقه ومر المر ساعة بين
رقاله خف وحدّر خف ووسّم مشيهم بسطور=تبين من مشاويره زمانن قد خسف بالعين
عرف بالسن لو ما سن سنين ايامها وشهور=شكالي الصخر خصر وسخر الله للشكل تمكين
عليه اثار كبّ وجار وجيرة حر وجيرة كور=ثلاث فصوص في عهده وباقي العهد ذو الفصّين
ومر مْرات ومرّات العرب متكونه محشور=يكفي شطر هالعالم حياةً لين يوم الدين
ضعف كبته وتحرر من حرارة فخه المصهور=وهاجر من ظلام الظلم واظلم من حنا التكوين
قشور بحور وبر قشور وكون ضغطها المحجور=وزلزل من زلازلها وفصّل اصلها فرعين
ودارت في رحى وحارت من اردى لين اعدى طور=تكيف من تكيف في معيشة عيشة الادنين
وعاد العود حال الجود وجاد الشعر في المشعور=وبان اللون من لونه وبان اللون من لونين
عليك الله يا دمي جريت بعلمي المهجور=تخصصت بعلوم الجوف وجوفت العلوم بْلِين
وانا شفت الشعر أصبح منال لكل داني سور=يشوف الشعر في لحنه وينسى روعة التبطين
وانا شفت الغلا اغلا من ابياتن تشوف النور=وبطنت المعاني في كنوز الارض حين وحين
اشب من فكرتي فكرة وابدد عصفي الميسور=اهيض شعلة افكاري بسيل الزيت والبنزين
وسببها صداع شب بأعلى الهام من مستور=عذاب الوقت باعذب وقت وكان الوقت قبل الحين
فطينن من تفطن في معاني ما ذكر بالزور=وعزي للي عزه في سكوت وضمة الكفين
أخي الكريم / ناصر بن مناحي الملحي السلام عليكم ورحمة الله وبركاته وبعد : صح لسانك وسلم بنانك على هذه القصيدة الجزلة الرائعة من رأس جزل هذا وتقبل فائق الشكر والإمتنان مقرونا بجزيل المحبة والإحترام مع أطيب الأمنيات واسلم وسلم والسلام .
غير متصل
