(أبــــــرك الأيــــــام) للشاعر/ ماجد مفرج الناقول

[playhan]

مناسبة هذه القصيدة عندما أقيمت حفلة تكريم الشيخ / زيد بن ناصر المليحي ، في يوم الجمعة ليلة السبت الموافق 24/8/1425 بقاعة درة العروس بالرياض. وكانت تحت ضيافة ورعاية / حزمي بن سعود الغزيلي السبيعي. وقد حضرها عدد من شخصيات القبيلة وجمهور كبير. وألقيت قصائد كثيره وجميلة لعدد من الشعراء لتلك المناسبة ومنهم:ـ ماجد مفرج الناقول ، سفر نهار الثوري ، عبيد فهد الحريصي ، قاعد سعيد الغزيلي ، عبدالله الكحيلي المليحي ، فراج عبدالله أبولسان العامري ، سلطان بن نبزان الهليمي. ولاكن القصيدة التي نالت أستحسان الحضور والجميع وكان لها صدى واسع وأعجب بها الجميع فهي للشاعر / ماجد مفرج الناقول وعنوانها (أبرك الأيام ) وهي الآتي :ـ

أبـــــرك الأيـــام واعــــــز الليـــال=اجتمـاعــــا فيــــه طلقـــــين اليمـــــين
عنـد ذربــاً مـن مــذاريب العيــــال=عنــد رجــــالاً يحــــب الغـــانمــــــين
أعتــرف لــه بالـشكالــه لاجـــــدال=خوتــــاً بينــي وبينـــه مـــن ســــنـيـن
والله أنـي عارفـــه عـرف الريـــال=مـــن مــذاريب العيــــال الفـــالحـــيـن
أخـو كنـه ولــد عــم أو ولــد خـــال= طيــب راســه أودعـه عندي مكـــيـن
حزمي أبن سعود من ذرب الفعــــال= أشــــهد أنــه ماخـــذٍ قـــــسماً سمـــين
فيـه للنوهــــات والطيــب أرتجــال=يشــــــهد الله والخـلايـــــق شـاهـــدين
دعوتـــه للشيخ زيــد بــذا المجـــال=طمعتــــــاً يـاكــبرهـــــــا للطـامعـــين
زيـد بن ناصـرعلى راسي عـقـــال=نحتــــزم بــه مجنبــــين ومــــشمـلــين
هرجـــةٍ ماقلتــــها طـــلاب مــــــال=ما اطلـــب الا عفــــو رب الصالحــين
وفي البدايــة قبـل توريــد المقــــال=بــالــطـلاق وبلحقـــــــه زود اليمــــين
مــايجينــــي لادقـــــاق ولاجــــلال=فـي كلامــــاً بــــورده حقـــــاً مـــــبين
القصــــيد اليـوم كثرة بــه هــــــزال=ومدح ناســاً مالهــا في المــدح شــــين
اشربو مـن مشرب العــز الــــزلال=عــــزة الرجــــــال نفســــــه لاتهــــين
ولأ ستعيب المدح لجـمال الحمـــال=ولا سـتعيب الظرف لاشـرح الفطـــين
احذرو مــن سـقفة الجرف الهـــيال=احذرو بيطـــيح لـو مــن بعـــد حــــين
مدحــة الشـــعار للطــــائح هبــــال=ما يعـــــز المــــــدح كـــود الطيــــبين
مثل زيــد اللــي على الانعام نــــال=كـل بيـت فيــه مــن شعـــري ثـــــمين
زيـد يازيـد الــسعد ذرب الخصــال=زيـــد يــازود الــضعوف القاصـــرين
زيـد يـامقــــدم مكـــــاريم السبـــال=زيـد يـــامــحزم ســــــــبيع الغالــــبين
زيـد يــازبن القبيلـــــة فـي الثقـــال=زيـد يــالمحبـــوب يالفــــذ الرصــــين
زيـد يــازود القبيلـــــة والـرجــــال=زيـد يـاقمـــــة طمـــــوح الطـامحـــين
زيـد يـــــاكـنز تــمنــــــاه القـبــــال=يمتنيــــــه مــــن القبايــــــل ممتـــــنين
راس من روس الحمول من الجمال=ناقلــــة حمــــــلٍ يضيــــــم الهايــــبين
بالحميــه تفعـــل فعــــولاً جـــــزال=موقفـك مـن دون ربعك فرض عــــــين
مـن شــيوخ ســــبيع لاعـد ويقـــال=زيـد مـن روس الـــشيوخ أبـوحســـين
شــيختاً صـوت بها جــالاً وجــــال=شـــيخة النــاموس والفعـــل اليقـــــيـن
شــيختاً تبنــى علـى مــثلك حـــلال=الكـــريم الفــازع الحصـن الحصــــين
الوفـي أليــا وقف للحمــــل شـــــال=فـي الرقـاب وفـي الوجيــه وللمــــدين
وارداً صــيتك مراكيــــز الجبــــال=طيــب صــيتك نـومسك دنيـا وديـــــن
القــصيد يزين بـك والمـدح فــــــال=طـــاب فـــالك عنـــد رب العــالمـــين
شاعراً مـن لابتــك لاجــى عيــــال=صــــامــلــين وللمـنايـــــــا وارديــــن
عزوتـي بالاد صــامل لــي جـــلال=ســـعد مـن كنــا علـى عــضده يمـــين
خـصمنا نـودع علـى قلبـــه جفـــال=ســــقم عينــــه لاذكــرنــــا طــالبـــين
أبـــــرك الأيــــام واعــــز الليــــال=اجـتمـاعـــــاً عنــد طلقـــــين اليـمـــين
لابتـــاً نبــدي بهــا روس الطـــوال=لاعتـــزو يــــالاد جـــــروب الفتــــين
محزمـي لانـطلــن ســود الشيــــال=عضــدي اليـــا صـــوتاً للحاضــــرين
مقـدم الهيجــاء اليــا قيــل الســـلال=واستـــشاط العلـــم واشـــعله اللعــــين
مثــل ذاك اليــوم والحادث جــــلال=يــــوم قـــسم الــدار بـــين القاسمــــين
يــوم رحنـا ياهل الخرمــه عــــدال=للجمـــــوع الحـــــادرة والسانــديـــــن
عطفنـــا اللــي مالقينــا لـه مثـــــال=جعـــل تفـــداها وجيـــه المـعتــديـــــن
هرجــة مـن دون شــاهد ما تقــــال=بالــــــدلائـل والـوثــــــائـق قادمـــــين
حن ســبيع العزوة اللي في القتـــال=كـم تراجــع مــن صـــداها صاملــــين
يـوم وقت الجوع مـن قـل الـنـــوال=كـم قطــن فـي ضـفنــا مـن قاطنــــيـن
وجارنـــا نفديــه بــرواح وحــــلال=فطـــرةً فـي حــاضــرين وسـابقـــــين
لــو بعــدد مجـدكم طــال المطــــال=انقــــضن ســــود الليــــالي واقفـــــين
ميـر فرصـة طيبـــة والفــي مــــال=والقـرايــــح غــصن والدافــي يلـــــين
أنهـــزع لـي باليـنـــابـيـع الغــــوال=قـاطفينـــاً مـن ثمرهـــا قطــف تـــــين
مـانـــشد ألا شـــرداً قبلــي غفــــال=مـاوســمهـــا قبــل وسـمـي واسمــــين
مـاكـسـبنـــاهــا هــــدايا وانتحــــال=مـقــسمٍ عقــــب التعــــب للمـجهديــــن
وأعـذروني والبـشر دون الكمــــال=الـكمــــــال لربنــــــــا يــاعــارفـــــين

[ابن مشعب]

زيد بن ناصرعلى راسـي عقـال=نحتـزم بـه مجنبيـن ومشمليـن
هرجـةٍ ماقلتهـا طـلاب مــال=ما اطلب الا عفو رب الصالحيـن
وفي البداية قبـل توريـد المقـال=بالطـلاق وبلحقـه زود اليميـن
مايجينـي لادقــاق ولاجــلال=فـي كلامـاً بـورده حقـاً مبيـن

لاهنت يابليهان ونعم في النقول عز الله كفا وفا وزيد يستاهل الطيب

ابن مشعب

[مروّض]

أخي...playhan

لا هنت على النقل...و صح لسان الشاعر ماجد الناقول...

قصيده رائعه...و أفكارها متناسقه...و تحوي معاني جزله

المدح عندما يكون في أهله...يزيده زهوا و رفعة و حلاوه...

أما إذا كان في غير أهله...فتحس بأن لا طعم له...بل و لا رائحه...

و هذا ما جعل القصيده مميزه...بكلماتها و تسلسل صورها و أفكارها...

يستاهل الشيخ زيد المليحي كل خير...رمز من رموز القبيله...

و كذلك النعم موصول الى حزمي بن سعود...ما نسمع عنه ألا كل خير

لا هنت أخي...playhan...و أتمنى أن تواصل مشاركاتك و لا تقاطعنا

تحياتي...

[البدر]

لاهنت يابليهان على النقل المتميز والمتابعة الجميله

وصح لساااان الشاعر ماجد مفرج الناقول ملايييين
قصيدة رائعة وزيد يستاهل المدح

اخوك البدر