فنجال قهوة

[مبارك المرغاني]

فنجال قهوة يقعد الرأس والكيـــف ####من يـــد عــزيِز قلت والله احبــــــــــــــــــه
أبوي يوم الليــــــــــــــالي ملاهيـــف####يقــدم الحـــايل ويفــــــرح بنبــــــــــــــــــه
يقــدر الجيــــران ويكـــــــرم الضيــف ####ياكــــم خروفِ قص راســة وجبـــــــــــه
تلقى الشحم لاجيت وزين السواليف####وفنجــــال كيفِ يعجبك في مصبـــــــه
هذا وتمــــت عــــد ما يمطر الصــــيف ####يفـــداه منهـــو قـــــــال ولا يسبــــــــه


قلتها في والدي (فلاج بنيان ) لعل له طولة العمر
الشاعر /مبارك المرغاني

[خالد الشماسي]

صح لسانك

والنعم بك وببوك

القصيده رائعة

مع اني اول مره اسمع والد يصب الدله لأبنه

[مبارك المرغاني]

صح بدنك على المرور
اما صبه للقهوة فهذا في زمان فات الله يعطيه العافيه ومن الغلا الابن ،اخوي خالد

[فاهم النظرة]

صح لسانك يالمرغاني على ها الابيات المعبره والله يطول عمر والدك ويرزقك بره

[مبارك المرغاني]

صح بدنك ولك تحياتي