سلط على الهاجوس ما أصعب علاجه

[فـــالح السبيعي]

صح لسااان شااعرنا القدير

مبـــارك البخيت السبيعي

ولاهنت يابوفايز على الجزززاله المعهوده

[مبارك البخيت]

صح الله بدنك يابوبندر ولاخلا ولاعدم يالقرم على المرور والرد الطيب ياطيّب
شاكر لك هالمرور اللي زادني شرف الله يعز مقامك دنيا وآخره ..
أخوك مبارك بن فايز السبيعي

[ابن مطيحن]

وترا الحكيم اليـوم يعـرف خراجـه
لاشاف له غلطة(ن) كبيـره سترهـا
ويصون نفسه عن طريق السماجـه
ويرفع ماعنـي سمعتـه ويعمرهـا
مشكور طيبه بلحيل

[مشعاب]

صح لسانك يا مبارك البخيت


قصيدك نحفظه وانا ورعان وكلنا نشهد لك بالجزاله


لا هنت

[قائد الطائره]

صح لسانك على هالدرر والله يطول عمرك

[أبو حمود]

يازينـهـا لانـاحـرت بالغنـاجـه
وياشينـهـا لاقابلـتـك بظهـرهـا

الله .. الله
صح السااانك .. قصيدة جزله في طيتها درر ..

[مبارك البخيت]

المشاركة الأصلية كتبت بواسطة الزناجه

نادر يالنادر
قصيد فيه من الحكم
مايحكم به العالم


فصح السانك وانخان لوامك

أرحب هلابك .. شكراً لك على هذا الإطراء الجميل

[مبارك البخيت]

المشاركة الأصلية كتبت بواسطة مصلح ربح

صح السان الشاعر المتميز مبارك البخيت


ديوان القبيله ينشدني عنك طال عمرك

أرحب عدد رمل الصحاري يا ابن ربح .. من الآن فصاعداً سيكون إبني فـــايـــز متواصلاً معكم إنشاء الله ويتلقّى جميع رسائلكم وطلباتكم ، أما أنا مشغول في أمور بيتي ونفسي ، وكبر السن يحكم عليّ ذلك.

شكراً لكم جميعاً

[خيَّال الغلباء]

المشاركة الأصلية كتبت بواسطة مبارك البخيت

أعرف معاني الهرج ماني خواجه = وأعرف نجوم الليل وأعرف قمرها
وأشرب قراح العد وأترك هماجه = وأعرف ضحاحة سيلها من بحرها
لكن أشوف الجو صلف(ن) عجاجه = كم نستغيث ولا يجينا مطرها
والحر أشوفه صار مثل الدجاجه = إنحت ريشه والمخالب قصرها
سلط على الهاجوس ما اصعب علاجه = لاخم عين(ن) تزايد سهرها
لاخم له مخلوق(ن) عكر مزاجه = وخلى عيونه تنغمس في نظرها
وكل ماقضى له حاجة(ن) نسي حاجه = وسيارته ماعاد ميّز نمرها
وترا الحكيم اليوم يعرف خراجه = لاشاف له غلطة(ن) كبيره سترها
ويصون نفسه عن طريق السماجه = ويرفع ماعني سمعته ويعمرها
والشخص دايم سمعته كالزجاجه = ويضيع معنى سمعته لا كسرها
يبتع ذراع الرجل ويضحك احجاجه = لا من بغى له حاجة(ن) وأقتدرها
تزيد عنده فرحته وأنبهاجه = لاصار نفسه من المعاصي قهرها
وجنب مسيره عن طريق العواجه = ولاشاف نفسه أتعصاه يهجرها
والصبر زين وعاقبته إنفراجه = لابد ماتِقبل وتكشف نحرها
يازينها لاناحرت بالغناجه = وياشينها لاقابلتك بظهرها
ياحبني لأهل الوفاء والزراجه = وأهل النفوس العاليات أخصرها
ومخافة الله نور ولّع إسراجه = ونفس(ن) تهاون فيه ما الله نصرها

:::... الشاعـــر ...:::
:::.... مبارك فايز البخيت المحمدي السبيعي ....:::

بسم الله الرحمن الرحيم

الاخ الاكبر العزيز مبارك بن فايز البخيت المحمدي السلام عليكم ورحمة الله وبركاته وبعد صح لسانك ترليون والكاذب ملعون على هالرائعة من قصائدك وكلها رائعة فلاتحرمنا منها وانت سالم وغانم والسلام

[سعود الصندلي]

	انت ديم مبدع يالبخيت كما عهدنا عنك في المعاني والقصيد الجزل صح لسانك والله يعطيك الصحه والعافيه تقبل مني وافر الاحترام والتقدير اخوك/سعود محمد الصندلي