السلام عليكم ورحمة من الله وبركاته..
هذه قصة ولد يبغي يتزوج ويفرح بحاله..
خخخخخخخ
في ليله من الليالي كنت ماخذ وضعيه الأنبطاح وأقلب في المجلات العربيه.
وقاعد ارفس بكراعيني والعب بصوابعي على خدي
وأتفرج في الفنانات الى كل وحده تشق الوجه , الى أن شفت صورة (( 00000000))
سحبت بريك وقعدت أتمقــّـل فيها مدة من الزمن ,
ثمن أتخذت قرار صارم بمناداه أمي بصووووت عالي .
يمااااااااااااه لم تسمعني فقررت مناداتها بصووووت أعلى .
يمااااااااااااااااااااا... ... >> ( و لم أرى سوى مقاس نعال الحمام ..)
أمي : نعم وش تبي ؟؟
أنا : خلاااااااص نسيت .. وش بغيت أقول ..
فلما همت أمي بالذهاب ..
أطلقت صرخه قويه ..يماااااااااااااااااااا...
التفتت وناظرتني بطرف عين ..
وقالت : ردينا.. يعني تبي الفردة الثانيه ..
قلت : يماااااااااااااااه أبيك في موضوع مهم ..
أنا أتخذت قرار ولن أتراجع أو أزحزح عن قراري ..
أمي : خير وش قررت ..؟؟
أنا : ابي أتزوووووووووووج
ردت أمي رد سريع وقالت : عاد من زينك وزين طبايعك علشان تتزوج .. خلك لين تكبر شوي ..
أنا : يمااااااه حرام عليك أنا مسكين أنا قاعد أتعذب ..
ليه أنا ماني ولدكم ..
وقعدت أبكي وأعصر دموعي ومانزل الا وحده <<< دموع التماسيح الله يعربل بليسي
أمي : خلاص أنا قررت أتهور وأزوجك .. بس بنت مين الى تبيها ..
انا : بنت 0000000 وحجده تجي بالتلفزون ..
أمي : ومن اهلها ..
أنا : قصدي ابيك تشوفين لي وحده تشبه (( 0000000000 ))
لحظه خليني اقص لك صورتها من المجله..
والله واقص صورة ( ب0000000 ) وأعطيها أمي وقلت أبيها نفس المواصفات هذي بالضبط ..
قالت أمي : خلاص بكرة فيه عرس لولد فلانه ..
بشوف لك فيه منها في السعوديه والى خلصت الكميه
جااااى بكرة وراحت أمي العرس .. وأنا أنتظر رجعتها بفارغ الصبر ..
بعد ساعات طويلة من الأنتظار ..
جاءت أمي وقالت مبروووووك لقيت طلبك .. وأخذت رقم أمها ..
دقت عليهم الوالدة اليوم الثاني ..
وردت البنت وانا ملصق اذني في السماعه أبي أسمع صوتها .
فما كان من الوالده إلا وهي تمسك بجهاز التلفون وتمحطه على خشتي ..
لكي اغدو في حال سبيلي ..
مشيت في الصاله وانا أرفس علبة المنديل ..
والى كانت أحدى هواياتي ..
جاءت إلي امي لتزف لي بشرى قبول اهل البنت مبدئيا ..
فرحت بالخبر وانتظرت اليوم الموعود لمقابلتها ..
وانا أنشد (( نحمد الله جت على ماتمنى ))
ذهبت الى الحلاق وقلت له : سمكرة وتلميع كامل الله لايهينك ..
ثم جاءت أمي بالطيب والبخور .. وقرت على المعوذات وايه الكرسي .. شح ليلي اخزي العين
ثم رحت الى .. أبو نسب علشان أشوف وأنشاف ..
دقيت الجرس ففتح لي الأخ الأصغر وكان دب وتبدو عليه علامة البراءة ..
وما إن رآني قال من أنت يابو خشم ..
فقلت له عيب يابابا أنا بصير زوج أختك ..
وما إن قلت له هذه الكلمات التي نزلت عليه مثل الصواعق ..
حتى ذهب الى داخل المنزل ..
واسمعه يصيح ويقول : والله اختي ماتاخذ ابو خشم ..
فكرت في ذا البزر الدب الى فضحنا لابارك الله فيه ..
قلت ابروح للبيت واجيهم بكره
على اساس اني انشغلت وماقدرت أمرهم
وبالتالي ابو خشم ماهو انا الي مريتهم
وما إن عطيت الباب ظهري وادخلت مفتاح السياره افتح الباب واذا بالاب يمسك يدي ويقول مين الاخ ؟
فقلت له انا هو انا الي جيت عشان اخطب
خير استقبال .. وقلطني في المجلس ..
وأخذ يسألني يمين ويسار عن مؤهلاتي ووظيفتي ..
وأنا أتصبب عرقاً حتى بدء الحرج يتطاير مني ..
ونحن في هذي الحاله يدخل علينا البزر
ويقول بصوت يسمعه القاصي والداني وهو يطلع لسانه :
يبو خشم والله ماتاخذ اختي .
إلتفت الى الاب وقلت له : ركد ولدكم ..لتصير علوم ..
قال له والضحكه تملأ فم الاب : اذهب يابني اصلحك الله ..
قلت له تبا" بل سحقا" لتربية هذا الغلام ( كني شطحت شوي )
قال الأب : هل تريد رؤيه البنت ..
قلت : أجل جاى اتمقل في وجهك أنت وولدك الدب ..
وعندما ذهب الأب لمنادة البنت .. جاء الولد وهو يطلع لسانه مرة أخرى
ويقول يبو خشم والله ماتاخذ اختي ..
قلت له تعال ياحبيبي أنا بعطيك ريال وتطلع بسرعه ..
قال خلاص .. صرفت الولد الدب وافتكيت منه ..
ووم راح الدب الصغير دخلت علي البنت و00000000000
جلست بجواري وقالت : السلام عليكم
لما رفعت بصري ابا أرد السلام ..
توقفت الكلمة لم أستطيع أكمالها .. كيف وأنا أرى أبشع وأقبح وأمتن المخلوقات على وجه الأرض ..
لا وكانت تضع من المساحيق مايكفي لصنع كعكه كبيرة الحجم
او سمكرة سيارة تطعجت وتشلحت اوصال وكباب
قلت في نفسي فركش الزواج لابووها ولأبوو من يتزوجها ..
هذي الدبيه يبغالها أثنين يقطون ويتزوجونها ..
وكنت كرت مسبقا ان أفركش الزواج وأضع شروطا تعجيزيه
عشان تفر البنت مني وتصيح على امها مابيه ..
قلت للوحش ( البنت ) : انا عندي شروط ..
قالت لي سم آمر فقلت لها : انا انسان حق مخمخه وخاصة تالى الليل ..
لا تستغربين اذا رفستك من بطنك تالي الليل وانتي نايمه وقلت لك صلحي لي عشا 0
قالت لي والابتسامه تعلو خشتها : ابشر .. بس عليك تملي الثلاجه
خرجت قلت لها اشوف بعدين
ويوم طالعت لقيت البزر الدب جالس فوق سيارتي ..
وتوطيت في بطنه .. وأخذت منه الريال حقي ..
لما شغلت السيارة .. وأذا بي أسمعه يقول .. أنقلع يبو خشم ..
عندها نزلت من السيارة .. وطرحته وادبته ..
وركبت السيارة .. وأعشق وأفر الكفر ..
يوم ناظرت من المرايه
ولا هو يضحك ويأشر بيده ( عيدها مرة ثانيه )
يابغاني افحط صار يحبني الدب عشان التفحيط
ذهبت الى البيت فأستقبلتني أمي هاااااه بشر كيف البنت ..
قلت يمه حرام عليك هذي تشبه مريم الغضبان أنتي تبين تذبحيني ..
قالت نفس الى في الصوره اللهم اختلاف بسيط .. وهذي الصوره شفها ..
يوم أخذت الصورة أكتشفت السبب ..
أثاريني قاص صورة ( ب0000000 ) من الجهه الأولى ..
والجهه الثانية فيها صورة ( 0000000000 الي ابيها )
ايه مقرود من يومي
بس لابد تتعدل الامور
وصير حلو والبنات هم يتطامرون وراي اوريهم ساعتها
غير متصل
