منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
بسم الله الرحمن الرحيم
صراحه هذي قصيده معجبتني وقلت اخذ رأيكم فيها
وهي ابيات فيها من الطــــرافه والمعاني الغامضه شوي
وفيها رســاله لك من يغلووون (( المهوور))
الله يهديهم ويقووووووووووول
انا العزوبي واتقطع تقطاع=على زواج البنت تدمع عيوني
انا العزوبي وين مارحت مرتاع=زين العذارء يالعرب جننوني
اشوفهم في كل روحه ومرجاع= من حيث ماوليت هم عذبوني
فالبيت فالتلفاز والصوت مذياع=حتى العمل ياناس مافارقوني
وليا نويت السوق ناوي تبضاع=اروح وارجع منخطف حيل لوني
ارجع وقلبي حايسٍ بين الاضلاع=من زود دقاته تخلع امتوني
اللـي تغنـج فالمشـي بالـتـدلاع=واللي تناظرني بطرفن فتوني
وام العيون السود والرمـش قطـاع=وام الجدايل والكحل بالجفونـي
وام النقاب اللـي تمصـعك تمصـاع= قدام عيني والبشـر يشهدونـي
كنهـا تمتـع فـي عذابـي تمتـاع= وانا العزوبي كان ربي ف عوني
واهل الجــــــنوز الضيقه واهل الاوساع= مدري وش اللي حدهم يلبسوني
منهـم تجرعـت المـراره تجـراع=في كل يوم يزيد همي وحزوني
لو نطلع المريخ في لحظـه وسـاع=نلقى العوايـل قبلنـا يطلعونـي
من بعد طرح وجمع وهمـوم وصـراع=قررت انا اخطب بنت وانهي ظنوني
وفي ليلة الفرحه تقـول انـي مرتـاع=ومن زود مافينـي تراقـل سنونـي
ابوهـا قـال اليـوم مانـي بطـمـاع= عندي شروطن للمهر واعذرونـي
يقوم يوحـي لـي ويشـر بالاصبـاع= يبغي المهـر ميتيـن او يكثرونـي
يقول يبغى العرس في قصور واقـلاع= ونبغى ذهب لام العروس المزونـي
ونبغى الحلا والكيك من كـل الانـواع=تـبـون والا ياعـسـا ماتبـونـي
ناس ٍ تحسب البنت شروه ومبياع=تبي المكاسب لو زادت ديوني
ماهمهم لو زاد همي والاوجـاع= ماهمهم ياكود ملي البطونـي
يامؤمنـن بالله ساجـد وركــاع=بنتك امانه حاذر انك تخونـي
لا تعنس ابنيتك في سّبت اشبـاع=نفسك وجمع افلوس ماينفعوني
بكره ليا جتك المنيـه والاوجـاع=تندم ولا ينفعك دمع العيونـي
الخيمه اللي بدون عمدان وشراع=يمكن تطيرها الهبايب بهوني
انا العزوبـي واتسكـع تسكـاع= تكفون بالله يالعرب زوجوني
وسلاامتكم
وان شاء الله الابيااااات تحوز على رضاكم
وانتظرو منا الجديـــــــــــــد
اخــــوكم /
... سعود ...
ماهوب أنا من يتبع اللي مقفي &&& ومن لا تبعنا بالغلا ما تبعناه
ماهو كبر لا كن طبعي وشفي &&& واللي تغلا مانجيه وانترجاه
انا مع الطيب وبالطيب اوفي &&& وإلا الردي لوه بغانا تركناه
وانا صريح القول ماقفي واقفي &&& ولا جامل اللي طايحتبه سجاياه
================================================== =========
الغالي أدري وين ما راح غالـــــي
وأدري يعود من الوله يم مغليــــــه..
لكن بلاي إن صد وأسرف بحالـــي
وأقفى وقلبي سبحةً بين أياديــه..
وجلست أصفق في يميني شمالي
بين المكان وذكرياته وطاريـــــــه..
رد : ((( انا العزووبي واتسكع تسكاع .. تكفون بالله يالعرب زوجوني )) ... عنوان القصيده
كُتب : [ 06 - 02 - 2004 ]
شكرا ياسعود على المشاركه الاكثر من رائعه
وفعلا غلاء المهور يلعب دور سلبي في تأخير الزواج
ولكن في المقابل هناك ايضا الوضع الاقتصادي الذي يرزح تحته
الالف الشباب ممن قد يستطيعوا ان يوفروا المهر ولكن المشكله
في توفير مصاريف الاسره لاحقا
اسأل الله ان يحصن شبابنا ويوفقهم ويعينهم
رد : ((( انا العزووبي واتسكع تسكاع .. تكفون بالله يالعرب زوجوني )) ... عنوان القصيده
كُتب : [ 07 - 02 - 2004 ]
اخي ابو عمر ... الله لا يهينك .. مبروك على الصندوق صراحه جميلً جداً .
اخي زل الطرب .. مشكووور على المرور .
اخي السيف.. صح بدنك .
اخي اخو شما ... العفووو .. وكلامك في محله .
ماهوب أنا من يتبع اللي مقفي &&& ومن لا تبعنا بالغلا ما تبعناه
ماهو كبر لا كن طبعي وشفي &&& واللي تغلا مانجيه وانترجاه
انا مع الطيب وبالطيب اوفي &&& وإلا الردي لوه بغانا تركناه
وانا صريح القول ماقفي واقفي &&& ولا جامل اللي طايحتبه سجاياه
================================================== =========
رد : ((( انا العزووبي واتسكع تسكاع .. تكفون بالله يالعرب زوجوني )) ... عنوان القصيده
كُتب : [ 07 - 02 - 2004 ]
لاهنت اخوي سعود وصح لسانك ملاييييييييييييين قصيدة جميلة جدا فيها نوع من الطرفة كما انها تتحدث عن مشكلة اجتماعية يعاني منها الكثير من الشباب الا وهي غلاء المهور .
رد : ((( انا العزووبي واتسكع تسكاع .. تكفون بالله يالعرب زوجوني )) ... عنوان القصيده
كُتب : [ 07 - 02 - 2004 ]
اخي البدر .. صح بدنك .. اشكرك على المرور
ماهوب أنا من يتبع اللي مقفي &&& ومن لا تبعنا بالغلا ما تبعناه
ماهو كبر لا كن طبعي وشفي &&& واللي تغلا مانجيه وانترجاه
انا مع الطيب وبالطيب اوفي &&& وإلا الردي لوه بغانا تركناه
وانا صريح القول ماقفي واقفي &&& ولا جامل اللي طايحتبه سجاياه
================================================== =========