بسم الله الرحمن الرحيم
هذه القصيدة للشاعر/ بدر بن محمد بن عباد
في اخييه /سعد بن محمد بن عباد أثر حادث حصل له في الثمامة
سلامات يوم جت سلامات=حمدناه من عقب السلامه
بغا سعد تدركه المنيات=أثر حادث قرب الثمامه
بغنه على سجته بغرات=خطن روحه وناشن عظامه
قلب موتره ثمان قلبات=وقف تالف فوق العدامه
سلامات سعد والغير قلعات=ولو كان ما فيها ملامه
ذكرت العلوم اللي جميلات=على شانها ترمي العمامه
سعد سعدنا راعي الشكالات=مقام القبيلة من مقامه
زعيم الجماعه في المهمات=زعيم ومن فوق الزعامه
ومن عادته شيل الثقيلات=لهن يرتكي عزم وقرامه
وله عادة ذبح السمينات=من الجود يفعلها كرامه
كحيلان في روس الطويلات=من الوضح مايبغى علامه
سعد نسل حلال العويصات=حكيم ولد راعي حكامه
عسى عمره بمهل الطويلات=جديد العمر يقضي اعوامه
لنا ايام ماشفنا ابتسامات=وعقب الكدر شفنا ابتسامه
على دارنا سود مخيلات=حلى برقها وسط الغمامه
مخيلات من عقب السلامات=مخيمه على نجد وتهامه
سلامات يوم جت سلامات=حمدناه من عقب السلامه
مدله الغريب