منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
ياللي تغازل وش يفيدك غزلك ابه=هذا السؤال إن كان عندك جوابي
دايم بها الأسواق ثوبك تسحبه=وأشغلت نفسك في دروب الخرابي
الشايب اللي باالمحاكم تنشبه=يكفيك ضنه فيك ذلحين خابي
كم جرح للشايب أبطيشك تسببه=حتى الضحك من سبتك عنه غابي
شغلتك باالدنياء تزود مصايبه=لأنصك باب الهم تفتح لبابي
طيحت راسه عند ربعه وأقاربه=تسقيه وسط الكاس مر الشرابي
لأوصاك في درب السلامه تجنبه=وتروح تأخذ راي شين الشبابي
من كل شين فيه همآ تقربه=عن هاالمشاكل مايطول الغيابي
أذكر أليوم يصير شايبك غايبه=لاصار جسمه مندفن باالترابي
لامات وانته من فعايلك مغضبه=تندم ولاينفعك كثر العتابي
دامه أبجنبك لاتفرط أبواجبه=من قبل ماله يشلعون الثيابي
لازم بها الدنياء تجي من حبايبه=حتاك تنجو من شديد العقابي
أقل مابه في مواطيه حببه=تراه في حاجتك مادام شابي
وأحذر تظيع ابدنيتك من سبايبه=وأتصير أله مديون من كل بابي
وإن كان فيه أحساب والرب حاسبه =لازم أعيالك يدفعون الحسابي
أنصحك دامه حي باالطيب صاحبه=من قبل ماتبكيه تحت الترابي
أحب أنا المنتدى وأحب شعاره = وأحب أشوف الجديد اللي يقولونه
وأحب للشعر وأعشق كشفت أسراره = وأحب شكله وتنسيقه ومضمونه
وأخاف من قولة الأيام دواره = وأحسب ليومن به الشايب يعزونه
غير متصل
