المـــور والفـــرت ....محاورة

[خالد الشماسي]

الشاعر محمد البحيح الشماسي نظم هذه القصيدة في أيام شبابه وكانت أفضل سيارتين المور والفرت وهذا ما قال حفظه الله وأطال عمره .

ألا يا فكرتي كيف القضاء والحكم بين أثنين =لقيت المور وياالفرت يطلب حكم شرعيه
يقول الفرت أنا الطيب مكمل واجب الطيبين = سريع في الطلب تشهد لي أفراد السعودية
تفرج شوف طبلوني ميه من فوقها الستين = سريع في الطلب مانيب سيارة دوينيه
وقال المور أنا الي سرعتي تمشي على التقنين = وشيل الحمل لا عجزت عنه صنع المريكية
أنا من صنعة ألماني شف الطمغة على الشاصين= شهودي قيمتي مع قوتي ميه على ميه
وقال الفرت أنا قبل المزفلت و أنت وينك وين= تغرس في دروبي ما تعدي خطوط رسمية
ليا من رحت مع دربي يثور عندك التدخين =تغرس لو كفاراتك بعد يالمور رمليه
وقال المور أنا ديزل ولاني بلذع بليتين= مقرر صرفتي يومين تصرفها انت يوميه
كيلت أهلك بتبديل الغيار وشربك البنزين =خساره لو تنزل قيمتك يالفرت ربيه
وقال الفرت أنا لا جيت صحراء رحت عنك يمين= أسافر مع نفود أخريص منقل منه هميه
أسافر مع نفود السر كل شافني بالعين= بطل مانيب مثلك ما تعدى خط ردميه
وقال المور أنا أشيلك وأشيل من الفروت أثنين= ثلاثه من الفروت بحملها ما حمل ليه
لكن أصحى تجاكرني وأنا مانيب لك سنين= تسمح خلها ما بيننا دعوى سموحيه

[ابن شطيط]

يعطيك العافيه اخوي ابو عمر
وقال المور أنا ديزل ولاني بلذع بليتين# مقرر صرفتي يومين تصرفها انت يوميه
كيلت أهلك بتبديل الغيار وشربك البنزين# خساره لو تنزل قيمتك يالفرت ربيه

معاه حق والله


مشكور اخوي

ابن شطيط

[البدر]

الله يعطيك العافيه يابو عمر والضاهر ان الغلبه كانت للمور


وقال المور أنا الي سرعتي تمشي على التقنين واشيل الحمل لا عجزت عنه صنع المريكيه


اخوك البدر

[مسلط 22]

بسم الله الرحمن الرحيم
الاخ العزيز العميد ابوعمر السلام عليكم ورحمة الله وبركاته وبعد جزاك الله خيرا على نقل المراد بين المرسدس والفرت وصح لسان الشاعر ويوجد ردية بين اللوري المرسدس والقلاب المرسدس من ضمنها يقول اللوري
ان كان حملك حصى وتراب تفاح لبنان جابنه
فارجوا منك اممن يعرفها الاتيان بها وانت سالم والسلام

[أبو يزيد]

ابيض

وجه

يابوعمر

تسلم يمينك على النقل الرائع
وبيض الله وجه الشاعر ....البحيح

ييحضرني بيتين حول الموضوع وأشار اخي مسلط الى احدهن ......

جنب عن الخط ياقلاب=خل المحاميل ياطنه
يوماااحملك حصى وتراب=تفاح لبنان جابنه

[ابومحمد القباني]

الاخ الفاضل مسلط بالنسبه للبيت اللي اوردته سمعته من قبل ومعه بيت اخر وهي

وخر عن الخط يالقلاب= خل التريلات ياطنه
يوم ان حملك حصى وتراب= تفاح لبنان جابنّه

[ربح السبيعي]

لاهنت يابوعمر على النقل الممتاز


وصح لسان شاعرها