اعزائي اعضاء ومتصفحي منتدانا العزيز يطيب لي ان اضع بين يديكم
مساجله حصلت بيني انا مفرح سيف الملحي السبيعي (فاهم النظره)
والشاعر محمد حزام الملحي السبيعي
بحكم اقامه الشاعر محمد في الرياض
كانت بداية القصيده راعي العاصمة
اليكم القصيدة كاملة مع الرد :
(مفرح)
راعي العاصمة ماجتني اخباره
مر له عام واقبل عامنا الثاني
ودايم النوخذة لاطول ابحاره
مكسبه من البحر لولو ومرجاني
كل بستان نبغى نقطف ازهاره
كل مثمر بورده كل بستاني
اغنم الوقت قبل يثور غباره
خذ نصيحة تقدم لك بمجاني
اقلط بمجلس اللي لاشعم ناره
مايقلط عليها فلان وفلاني
وماشكى من غلاظه جانبه جاره
ولاشكى من قساوة قلبه العاني
يفرح ان كان جاه الضيف في داره
ويمن الخايفين ويمن الجاني
ونتواضع لو انا ناس كباره
نعمل بديننا والوضع الانساني
وان زعلنا ترى في الهوش جباره
ويش هتلر وويش الشعب الالماني
اكسر العظم واسويله جباره
لان ابويه على الطولات رباني
الرد
(محمد)
الله اكبر ليال الدهر دواره
كم تفرق من اصحابٍ وخلاني
ودي اثقبها لكن بواره
ديني السمح يامرني وينهاني
ياقصيدي وياجمل رايع افكاره
انتظم خابرٍ منته بتعصاني
شعري الي جميل الفكر معباره
من بنات الفكر قيفان ووزاني
من هجوسي اطلق عنت امهاره
والقوافي تسابقني على لساني
لين اخلي بحور الشعر هداره
كلها قدرلك ياذرب الايماني
ياوسيع المعرفه كلن بداره
في رغد عيش بإذن الله واماني
ودي اعطيك علم والعلم شاره
لاتفكر تحسب العلم يخفاني
كل طيرٍ يعرفك إيه منقاره
وكل خط ٍ وله صيغه وعنواني
ماتجاهلت روض ٍ كن نواره
زل ٍمشكل ٍمن صنعت ايراني
وغبت البحر لامن هاج غداره
ياكريم الوجه من الغدر تحماني
وكل ليل ليامنه اسدل استاره
مايبين خوافي شي ماباني
وكل ليل ليامن شعت انواره
اسدل الليل تكفى لو على شاني
تاره ابديلك الموضوع ثم تاره
اخفي الوضع لان الساني احصاني
مير انا ابشرك وابيلي بشاره
مذهبي حنبلي والاصل عدناني
والختم راعي الطولات معذاره
يكرم الضيف ليامن جاه والعاني
غير متصل
العرض الشجري
