والله مالوم الوقت لو ماصفالي

[فريعني الجبيل]

[color=

0000FF]السلام عليكم ورحمه الله وبركاته

العذر والسموحه من الجميع لعدم تواصلي معكم باستمرار وعسانا مانخلا منكم والشكر موصول لادارة المنتدئ

وبيض الله وجيهكم جميعا


يالله طلبتك يا عزيز الجلا لي == يارب يارحمان ياخير معبود

يامسير الافلاك مرسي الجبالي== رزقك يعم الناس ماهوب محدود

ياعالم بالغيب منشي الخيالي== ياعالم عن خافي البيض والسود

انت الذي يارب تعلم بحالي == تخلق وتفني ونت يارب موجود

تفرج لمن شال الحمول الثقالي== لاحل حبل صادفه حبل معقود

حملي ثقيل مثل حمل الجمالي == يارب ساعدني علئ النقص والزود

ان ماسعيت لطيب ماحد سعالي== والطيب عنداهله ترئ ماله حدود

والله مالوم الوقت لوماصفالي== هذي سوات الوقت قاصد ومقصود

وقت شربت المر به شرب حالي== والحال مني ناحل كنه العود

يالعنبو وقت يهين الرجالي == وقت به اللي يفعل الطيب منقود

الطيب مايقواه بعض العيالي== كم واحدن يطري له الطيب ويكود

الطيب لاهل الطيب باول وتالي== معروف ميبغاله اثبات وشهود

هذا ونا اعبر عن اللي طرالي ==شئ يحس البال والفكر مشدود

شي يخلي القلب فيه اشتعالي== والفكر كن بداخله برق ورعود

تمت وصلو عد طلع الهلالي == علئ شفيع الخلق في يوم موعود



هذا واعذروني علئ الغلطات المطبعيه لاني يالربع عليمي


اخوكم ومحبكم بالله ==== ملهي الفراعنه== فريعني الجبيل سابقا[/color]

[الرايق]

الطيب مايقواه بعض العيالي== كم واحدن يطري له الطيب ويكود
صح لسانك يالفريعني