أوصــــــــــاف مجــــــــــــلس أهـــــــــل الطـــــــــيــب

[عايض ابوشيبه]

ياماحلى الطيب والبراد والدله=في مجلسن ماتحوفه بعض الأنذالي
في مجلسن كل من يبغاه يدله=مجلس هل الطيب ولي صيتهم عالي
ناسن لها مجلسن باالطيب تحتله=مافيهم اللي عن العربان متعالي
أحدن تميز بشعره وأبتدى هله=وأحدن علومه لها فاالقلب منزالي
وأحدن تقدم بلغزه منتظر حله=وأحدن ضرب من جميع انواع الأمثالي
مجلسهم انا اشهد إنه يبري العله=غالين واللي يجيهم واحدن غالي
الكذب مابينهم مأحدن بينزله=الكل منهم صدق باالقول لاقالي
ولامنهم اللي سخيف الهرج نهجله=كلامهم مايجيك أيكدر البالي
الطيب اللي كلامه جاك في حله=يازن كلامه قبل من فمه ينقالي
المجلس الزين ماتقبل به الزله=والزل لامايجي من ناس عقالي
يجيك من وأحدن بأفكار مختله=ضارن على جلسته مابين الأحثالي
ماشام نفسه عن اللي باالخناء ذله=يمشي مع اللي شغوف بشين الأعمالي
الرجل لوتجهله تعرفه من خله=إن كان جاهل مشى مع ناس جهالي
وأحدن بمشيه ترى يرتاع من ظله=وبعض العرب باالشجاعه ماله أمثالي
وأقول قولي عساه ايكون في حله=مما طرالي كتبت اللي على بالي

[أبو يزيد]

ستظل نجماااا يتلالا في سماء هذا المنتدى
كم نشتاق الى هذا المطر الهتان والعذب من شاعر جميل ورائع

كشاعرنا عائض ابوشيبـــــه

لدى الفرس زعفران ابوشيبه ولدينا عائض ابوشيبــــه

سلم نبضك وصح لسانك ايه النقــــــي,,,,

[فـــالح السبيعي]

كلام ورسم على مستوى الفكر العالي

صح لسااانك يابوشيبه

رااائع كالعاده

[مخايل الغربي]

بسم الله الرحمن الرحيم

المكرم الشاعر العزيز عايض ابوشيبه السلام عليكم ورحمة الله وبركاته وبعد صح لسانك وسلم بنانك على هذه الرائعه التي تلامس شغاف القلوب بصدق عاطفتها ونبظها ونظمها وانت سالم وغانم والسلام

[خالد الشماسي]

صح لسانك أخي عايض


قصيدة رائعة ،، ويا حبني لمثل هذا المجلس الموصوف



الله يكثر هالمجالس الطيبه

[منصور الحري]

صح لسانك مشكور ولا قصرت

[وافي السبـيعي]

صح لسااانك
مدد بـــــــلا عدد
ابدعت وامتعت بهذه الرائعه
سلمـك ربــي اخي الشاعر : عايض أبو شيبه
لاعدمنا هالبوح الصادق و الرائع ..
كل الشكـــــــــر لكـ
تسجيـل حضور واعجاب و متابعه لـ جديدكـ

[عالي مقامه]

صح لسانك
وبيض الله وجهك على هالقصيده الطيبه

[عايض ابوشيبه]

أحبتي واخوتي

ابويزيد : أشكرك على مرورك وكلامك الجميل النابع من قلبك الصافي وماهو غريب عليك


ابو بندر:اشكرك لمرورك وانت منبع الكلام الجميل


مخايل الغربي: عادتك الطيب وكلامك ليس بمستغرب

ابو عمر: اشكرك على مرورك وانت إن شاالله من اهل المجالس الطيبه

الفتى منصور:مرورك اسعدني


وافي السبيعي:رد جميل من شخصك اللذي يملك صفات الطيب

عالي مقامه: وجهك ابيض ومرورك اسعدني

[مصلح ربح]

كلام ورسم على مستوى الفكر العالي

صح لسااانك يابوشيبه

رااائع كالعاده