[محمد بن سلطان]

يا أمجد العتيبي قبايل عامر بن صعصعه كثيره .. ومن كبريات القبائل الموجوده اليوم ..

وكانك ما تعرف هالشي فهذي مشكلتك يا طويل العمر .. وانا ما راح ارد عليك بنفس طريقتك لان الحشيمه مهب لك .. الحشيمه لبني عمي ولرجال عتيبه .. مهب بزرانهم اللي كل يوم طالعين لنا بسالفه جديده .. عتيبه والنعم فيها بس الهياط الزايد ماله داعي ..

قبائل عامر بن صعصعه اقدم من قبيلتكم الكريمه .. واشهر .. انظر الى السيره وسوف تجد ذكر عامر بن صعصعه .. حيث ان الرسول صلى الله عليه وسلم تزوج من بني عامر بن صعصعه وايضا الصحابه تزوجوا منهم .. وكذلك هناك صحابه من بني عامر بن صعصعه ...

انصحك قبل لا تتكلم عن بني عامر جميع انك تروح تقرى تاريخهم ..

وبعدين لا تقول لي فرسان وشعارنا .. ترى فرسانا من ايام الجاهليه معروفين ولين اليوم .. قبائل بني عامر فرسانها معروفين وفعولهم معروفه في كل الديار اللي هم فيها ..

وبعدين بالنسبه لكلامك عن بني كعب .. ترى في قبايل كثيره في عربستان .. وفي الساحل الفارسي ..

منهم بني تميم ومنهم الدواسر والمناصير وبني حماد والعبادله والمرازيق وآل مره وبني هاجر وبني العباس والاشراف وغيرهم الكثير ..

فلا تقلل من قدرهم .. فهم محافظون على عاداتهم وتقاليدهم ..

وبعدين المذهب ماله دخل في الاصل .. فالاصيل اصيل مهما كانت ديانته .. ولكن الدين الاسلامي فضلنا عليهم بالاسلام .. وبسنة نبينا محمد بن عبدالله صلى الله عليه وسلم ..

يا امجد رح اقرى التاريخ وتعلم وبعدين تعال تكلم عن اصل ثابت ما يشوبه شي ..

ودمت سالم يا ولد عتيبه ..

واخيرا والنعم في عتيبه والنعم في الجميع ..

((ان اخطات فمن نفسي وان اصبت فمن الله ))
والله اعلم ..

اخوكم
محمد بن سلطان الثوري السبيعي