[خيَّال الغلباء]

ساقني هاجوس الأفكار مع وقت الغروب =وغاب نور الشمس ساعت تورات في الحجاب
وهاضني برقن من الشرق ترجيه القلوب =عسه الطرقي وأنا منتضر منه الجواب
ويوم سمعني جوابن من الذيب القنوب =قال يبشر بسعد قول حمال الصعاب
دام راسك حي ويشم نسناس الهبوب =-والله إنه فزعة الطيب في عتق الرقاب
يا كريمن عند روس الرياجيل امحسوب =حاضرن والنذل غيرك عن الوقفات غاب
المراجل سقتها صوب والمدات صوب =يوم ولد اللأش ما له حصيل إلا التراب
وكان ما يخلط على الملح والبارود ذوب =لا تماري بالضريبه ولا التفاق صاب
اشرب الشهد المصفى وخل الشوب شوب=وخلها فوق الثريا ومن فوق السحاب
طاب سعيك يا أبيض الوجه يوم الحض طاب =طاب يومنك بطيبك لبست العز ثوب
وكل ظالم ينتقل من عذاب إليا عذاب =كان ما وده عن اعراض خلق الله يتوب
وكل كلمة حق تاجب على الشاعر وجوب =وكان ما قالوا الحقيقه عساهم للذهاب
وكان تذنب فأنت لك رب غفار الذنوب =والقديمي في عدوك عساها للنصاب
شاعرك شاف السحاب ايتبجح بالنصوب =ولا مدح يمدح صقر ما يمجد له اغراب
ولا رجا مدة زهيدن على الطيب امخصوب =ولا حسب لمقرد الخلق في الدنيا حساب
راضين في قسمة اللي خلق كل الشعوب =الكريم اللي برزقه جلب طيرن لداب

أخي الكريم الشاعر / عبيد أبو شيبه السلام عليكم ورحمة الله وبركاته وبعد : شكرا جزيلا لك على هذه القصيدة الطيبة والرائعة في العميد ركن / سحمان بن ملحم السبيعي وفقه الله وحفظه وصح لسانك وسلم نبضك وبنانك وإعتلا شانك والله يعافيك ويبارك فيك ويجزاك خيرا ويبيض وجهك يوم تبيض وجوه وتسود وجوه هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .