الاخوة الاعضاء من ابناء قبيلة سبيع كافة
السلام عليكم ورحمة الله وبركاته وبعد
هذا رد على قصيدة الشاعر عبدالعزيز الفراج التي عدها في مهرجان هلا فبراير
والتي تضمنت سالفة العشر من سبيع ولكن بتظخيم اكبر .
ونعم بسبيع وانا ليس بدور التشكيك بما ورد رغم اني بحثت في تاريخ المنتفق وسالت الجميع من كبار اسرة ال سعدون امراء قبايل المنتفق ولم اجد ما يثبت هذه المعركة هي اقرب ان تكون للخيال
فالقوامه بين العرب معروفه ولم يرد بان 10 غلبوا 3000 الالف مهما كانت الاسباب
وفي الايه الكريمة التاليه توضيح من الله عز وجل بقدرة الصحابة بدور الرسول على قتال الكفار من غير تشبيه ولكن للفائده
بسم الله الرحمن الرحيم
(يأيها النبي حرض المومنين على القتال ان يكن منكم عشرون صابرون يغلبوا مائتين وان يكن منكم مائة صابرون يغلبوا الفا من الذين كفروا بانهم قوم لا يفقهون (65)الـن خفف الله عنكم وعلم ان فيكم ضعفا فان يكن منكم مائة صابرون يغلبوا مائتين وان يكن منكم الفا يغلبوا الفين باذن الله والله مع الصابرين )
* سورة الانفال
واما تاريخ المنتفق ليس انا بصدد الحديث عنه ولن يكلف البحث عنهم باستخدام الانترنت اكثر من خمس دقايق فامل من الشخص الغير مطلع على تاريخهم بحكم البعد الجغرافي بين السبعان وبينهم أي يقرا وخصوصا في دور الشيخ حمو بن ثامر الذي تذكر المعركه انها كانت بدوره
ولو افترضا جدلا ان ذالك صحيح فالجبري رحمه الله فقصيدته يقول
وخسّرناهم مايه وعشريـن سابـق
وتسعيـن رجلٍ كلـهـم عــرّاف
اما عبدالعزيز الفراج هداه الله قال
ومنّا هل العشر الفهود المضـرّات تحيزمو والمـوت جاهـم بشيـره
ردّو ثلاث آلاف سطّوه وصمـلات اللي ذبح واللـي يـدرّج كسيـره
هو قالها مستندا على القصيدة ولكن التوضيح جا بشكل اخر والعدد يبين مدا المغالطه
وهنا نحتاج الا ان نقف وقفه صادقه مع الاحداث فالتاريخ امانه والكل منا موتمن وسبيع ليست بحاجه بان يزور لها كي تفخر وهي لديها ما لدى القبايل من معارك وغزوات ومن حق ابنائها ان يفخروا بها .
ولم يكن الفخر يوما بالانقاص من حق الاخرين
وانا لم اكتب الموضوع الى بمنتدى سبيع للامانه وكان بالاستطاعه كاتبه بي منتدى ولكن ابرا للذمه اني اناقش اهل الشان
اما القصيدة فاقول فيها :
يا ولد ابن فراج من جاب ما مات =والعلم يكفي صامله عن كثيره
قد قالها راكان واليوم بالذات=اكرها لك جعل فالامر خيره
تاريخنا ماهو يدور على اثبات=ولا هو ملفق كل زولن يذيره
انشد وتلقى للمواقف دلالات=اهل السيوف الكايدات الشطيره
المنتفق لا صار للمجد صولات=جابوا مصير اللي تباعد مصيره
والعشره اللي سقتهم وسط الابيات=ا َدخل على الله يا ولد واستجيره
اللي خذوا آلاف ياحي وش فات=كان اصبحوا حكام في كل ديره
والجبري اللي حاظر مدون صات=تسعين لحيه عدها من ظميره
يامن تبدل اطيب الرزق بفتات=اعرف قبيلك لا توطا عشيره
اللي يرد الفرُس يكفيه صولات=رمح المعزه ماترده ذخيره
حناحكمنا الناس ماهي حكايات =وبحكمنا تلقى شيوخن غفيره
حنا بدور الجوع كنا علامات=واهل القصير اللي يداري قصيره
واهل المظايف والخيول المحلات =اللي خطرنا بالكرم ما نشيره
ولا رحنا للغازين نكتب ولاآت=وفضلنا ضربات الزمان العسيره
ماهي سوالف سرد ولا على شات = ولا هي سوالف فاقدين البصيره
ياظايع بعلمك كفا منك زلات=ادخل على الله من العذاب وهجيره
العشره ربي ربهم راحوا اموات= والميت ربي من عذابه يجيره
ماشك انا في فعلهم بالغزوات =وابراي لله بالجهر والسريره
سبيع ماهي ناقصه منك حتات =والكذب يبقى بالمراجل كسيره
واخير من زود الحكي عندي سكات=وملعون راس ما يجي فيه غيره
فواز السعدون
والسلام عليكم ورحمة الله وبركاته