[الساموح]

هذه قصيده للشاعر / سعد بن فالح بن شريران المجمعي السبيعي في مدح الوزران ويستاهلون

هاضت هناديبي بقافا جديدي
والوقت ضيق والمعاني كثيرات
ولانبغي إلا كود شي مفيدي
قدامه أهل الطيب واهل المروات
وذا الليل عندي كنها ليل عيدي
فرحت بالدعوه وصلحت الابيات
في حفل ربعا يلطمون الضديدي
فعولهم بين القبايل مكيدات
ياما طرحوا من كل راسا عنيدي
لا غطرفن بيض الغذارا العفيفات
وزران اهل نخوه ورايا سديدي
وإنا وهمه من عصورا قديمات
وأفعالهم ماتنحصي بالقصيدي
يقوله اللي عارفا كل مافات
في راي شيخا جعل عمره مديدي
عبدالله أبا الطيب وأبا المهمات
وابن وصل بأفعال جده يزيدي
يامن بعض المرجله بالدعايات
راع الوفا والطيب عنده رصيدي
ياما وقف في بعض الايام وقفات
مايجحد المعروف كود البليدي
أعدها فوق الهضاب المنيفات
وماقل دل وحكمة القاف بيدي
وختامها مني سلام وتحيات