الاد العسيلي كل مااوحيت ذكرهم= تعليت في العلا الرفيعه وانا بها
حمول الرمك لا شعشعت كل غايره= ثقل ساعة وصل الحلوق اقترابها
هل الدرع واهل الطاس ومجرد القنا= امان الديار اهل العوايد رسابها
خلاويهم ينطح جموع ويردهم= تروغ الذهون بهدته لا عدا بها
الى بكر الوسمي تتالت ظعونهم= وكم ديرة شول القريشي رعابها
وكم حاجر داسوا زماليقه الضحى= الى بشر العساس واضحى الضحى بها
ولا شامت الحيزا من القاع واجزلت = على لاهب بالشبط نبت الشتاء بها
قفار المفالي حاميتها جموعهم= طوال الشبور اللي يزين الحمى با
ولا هلل المرزم دعتهم ديارهم= وعذب العدود اللي قراح شرابها
مااحلى غوانيهم على العد لا وردوا = بعد لاهب الكنه وبرد الروى بها
ولا صدرت مثل الغيوم الظلايلي= تطاول فياض العرق ولا خضابها
يلاقون هشال الخلا حلو درها= مع حايل غطى صحنها عصابها
صح لسان الشاعر المبدع فلاح ضاوي الحنان
قصيده جزله في قبيله عزيزه
بيض الله وجه الحنان فقصيدته تعبر عن المجد
المرجع كتاب سوالف الطيبين جزء3 ص26
عبدالله بن سعد الحضبي