[راعي مرات]

المشاركة الأصلية كتبت بواسطة فـــالح السبيعي

هذه قصيدة الراااائع أبويزيد

تعبت يافالح ولا ادري ويش اقول=عن حاجتاً ماهيب والله في يدي
البارحه ليلي قضيته عرض طول=قلبي على الجوزاء وعيني للجدي
فــى عيوني الحيره وفي وجهي ذبول=وفي صوتي حروفاً تلعثم وتغدي
إوااااه ياليت إنها قصة ميول=والا إنها ذنباً وأكفره بفدي
هماً بقلبي يابوبندر مايزول=قام يتحداني ويحداني حدي
ماعاد في يدي يابوبندر حلول =الوضع متعقد ومحيوس وردي
وقفت والدنياء محطه للوصول=وياقرب موتي عند ساعة مولدي
دنياي مهره لاعسيف ولاجفول=قضيت عمري يابوبندر فــى أطردي
في صبحها تعطــى البشاشه والقبول=وفي ليلها ترفض ولافاد جهدي
أرهي على الهجمه وابي تسجيل قول=والشوط خلصته وانا اركض واعدي
وأنكان طاح شعيل شيال الحمول=عزالله ان ماله شبيه ولالدي
هذا وصلى الله على طـــه الرسول=يالله عسانا في محمد نقتدي

وهذا ردي المتواضع عليها

يابويزيد العلم من وصفك يهول=وصف القدر والوقت والجرح الندي
وهمٍ مرافق لك على كل الفصول=وتفكير في الماضي وتفكير لغدي
والهم ما يصبح عن الناس معزول=الهم صاحب في الزمان الجرهدي
وعوارض الدنيا عسى عمرك يطول=مثل السحاب اللي علينا يرعدي
مثل السحاب اللي ليا هم النزول=أحيان سقيا خير وأحيان بردي
وما للزمن ياصاحبي غير الزحول=ولا للبلاوي غير راس السيدي
اللي معه عقلٍ يسير للعقول=قوي باس أحيان وأحياناً هدي
يصارع الأيام ويصول ويجول=والحجز عنده قبل وقت الموعدي
مشهود له في وقته بطيب الفعول=يفعل وخلق الله في أرضه تشهدي
هذا سواتك يالفريد بكل قول=ياللي حرقت الفلم بأول مشهدي
إن كان جاء للوقت عندك كنترول=جرب مقام الصبر عندك يابعدي
والصبر مفتاحٍ على كل القفول=بإذن الإله اللي لهديه نهتدي

مجاراه جميله

وجزلـه بين شاعرين كبيرين


لاهنتوا

صوت وصدى اكثر من رائع


بورك فيكم