[اللوزك]

انبيـك يامـن كلـمـة الـحـق ترضـيـه=اعطيـك مـا ينفـعـك وافـهـم مـرامـي
قـصــرن يـذلــك لاتـقـابــل مـبـانـيـه=خلـه عسـى شامـخ طويـلـه هـدامـي
خلـه عسـى ماصـاب اغاديـر يفنـيـه=يــودع منـازلـه الطـويـلـه رجـامــي
لــو زان مدخـالـه وطـالـت حوامـيـه=شيِـد علـى الخيـبـه قلـيـل الرحـامـي
وحـــي يـوريــك الـمـذلــه وتـغـلـيـه=انـا اشهـد انـك ميـت القـلـب عـامـي
ومـــن لايـــودك لاتـــوده وتـرجـيـه=ارفـــع مـقـامـك يـاعـزيـز المـقـامـي
ارفـع مقامـك عــن عــدوك وتـوذيـه=ويلحقـك مـن تركـت رفيقـك مـلامـي
حـــق الـرفـيـق وواجـبــه لاتخـلـيـه=يلـزمـك مـثـل الوالـديـن الحـشـامـي
اختـر عزيـز الجـار والـحـق يعطـيـه=شبلـن علـى هرجـن يقولـه يحـامـي
مــادك بــه عــرق المـذلـه وطـاريـه=ويسبق على فعـل الفضيلـه شمامـي
ومن قارب الاجرب بالامراض يعديه=عـدواه تسطـى باللـحـم والعضـامـي
درب الـسـلامـه بـيـنــات مـمـاشـيـه=ودرب العطـب يـرَث عليـك اللكامـي
ابـعـد وقلـبـك نــازح البـعـد يشفـيـه=وتلقـى عـن الـدار البغيضـه مقـامـي
دارن بــدار وداعــي الــذل عاصـيـه=ولاتقـبـل الـذلــه نـفــوس الـكـرامـي
الــذل مـوتــن حايـمـاتـن ضـوامـيـه=ادخل على منـزل فـروض الصيامـي
عـن مقعـدن بـالـذل عيـنـك تراعـيـه=المـوت عنـد الــذل امــان وسـلامـي
يرضـى المذلـه مـن تــردت هقـاويـه=والـذل يجفـل مـنـه قـلـب العصـامـي
والعبـد لـه رب عـن الـنـاس يغنـيـه=ولولاه مـا صـاب الهـدف كـل رامـي