[ناصرهاجدالسبيعي]

( قصة الغياب ومشاكله)

أثناء خروجي للعمل وقت الظهيره واثناء مسيرتي بالخط الدائري وتعرفون ماسك خط ومهوجس وفكر وهذي سياره متجاوزتني وهذي سياره متجاوزها والله مير اهوجس ولا ادري بنفسي الاداش بخلفية سياره قدامي
ومسك فرامل والحمدلله جت بسيطه صدام وماصدام والله مير ينزلون اللي دعمتهم من سيارتهم لهم ثلاثه
طبعآ انء المخطي تعرفون عاد نزلت اتأسف منهم وتميلح مامعي تامين ويلفت انتباهي بأن الشباب سعودين
بس شو سر لبسهم للبناطيل والقمصان وتسريحة شعرهم اللي تجنن المهم سألتهم شباب انتم سعودين
قالوا استح حنا سعودين وعيال قبايل قلت اجل ليش مانتم لابسين ثياب وشمغ مثلي قالوا حنا مسافرين للخارج
الخارج الخارج الكلمه هذي اسمعها واجد من زملائي في العمل ومن اصحابي ومعارفي والله مير ابداء بمزاقح
الطيب معهم قالوى مسامح رح الله يستر عليك ونتوادع على ان كل واحد يصلح سيارته ويمشون واشيل صدامي بشنطة السياره وتوكل على الله وترجع وترجع نوبة التفكير بس المره هذي مختلفه تطور التفكير
صار نويصر يفكر بالسفر ويفكر ويفكر وليش اناء ناقص ماني شباب وزيهم وطالع في المرايه اشوف شكلي قلت
يخارج ابو هاجد والله مير اوصل للعمل وسيده على المدير ابي اجازه شهر قال يولد توك جديد بالعمل مامداك قلت اناء مصمم وعندي ظروف المهم بكشت عليه لين وافق وارجع للبيت وزهب الشنطه وللمطار قلت اقرب رحله للخارج قالو وين قلت للخارج ضحكوا ماتو ضحك قلت ليه مخطي انسان بسافر للخارج زي العالم هذي بستانس يخوي قالوا الله يهديك يخوي الخارج هو العالم كله وين تبي حدد والله البلشه والله مير يستقر السفر على مصر وسافر والله لو تشفون احساسي واناء بطياره محد قدي المهم مطول عليكم ايه والله ان تبطون وانتم تقرون نرجع للموضوع وصلت مصر والله مير استقر بحاره من حواري المصرين اللي انتم تشفون بالمسلسلات المصريه اذا طلعت الصباح تعال ماتشوف الا صياح الولايا من البلكونات وقهوه وشيشه على الممر الرئيس للجميع واجلس تقريبآ 15 يوم قلت مليت ياناصر وش رايك على اسياء منها أدور على الشيخ (ايس مان) يمكنه طلع ومنها اتمشى وحزم الحقائب وعلى المطار قلت اندنوسيـــا وحط براسي جاكرتا والله وتشلع بنا الطياره
وصلنا جاكرتا وصلنا المطار واثناء تخليصي بعض الاوراق ولا العسكر يعينون فيه بنظره غريبه تعرفون اناء نبيه
ويجوني متوجهين لي شخصين ووقف المهم بلشت فيهم ماعرف كلامهم ولايعرفون كلامي بس صورتي معهم بورقه وهذا مازاد ذهولي واستغرابي المهم جابوا لي مترجم يعرف عربي مكسر الله لايوركم قال انت يعربي متهم بستقدام عامل اندنوسي وقتله بالسعوديه واسمه (ايس مان) لا والله الورطه من ذا العامل وشلون متهم
وشلون الرجال حي ومسوي مصائب بالسعوديه واخر قضيه له تهريب متخلفين لدولة الكويت ومسكوه الحكومه وهو الان مسجون عندهم ويسون استفسار من القنصليه الكويتيه الموجوده عندهم ويصدقوني ويطلعوني بعد سجن 45 يوم في انواع التعذيب والسجن الانفرادي المهم بعد الطلوع قلت السعوديه لابو السفر على اللي يسافر ثاني مره يزين الرياض زيناه
وعلى اول طياره لسعوديه واجي وبعد ماوصلت وبكشت على خلق الله بالكذب وسويت وفعلت ماخليت شي ماسويته اسوي نفسي راعي سفريات عندهم ودور على جهاز الاب تـــــــوب ارفع ملابسي وقشي بالغرفه والقاه وعلى المنتدى واقوم بتدخيل الاسم خطاء وكلمة المرورحطاء مدري شو صار ا؟اظاهر ابو عمر متعاون مع ايس مان ومالكم بطولت الحكي فايده 22 يوم واناء احاول الدخول ماقدر واليوم ابشركم انحلت المشكله بعد تكليف فنين لحل مشكلة عضو متدهـ ــ ــ ــور

تقبلو اطالتي عليكم مع التحيه للجميع
ا