[ماجد الشماسي]

المشاركة الأصلية كتبت بواسطة راشد الرياحي

يامرحبـا ياميـر نجـد واهالـيـه=مـن جـدك الاول قديـم وتـالـي
انتم شيوخ البر واللـي نـزل فيـه=ماطـرت القمـرا ويـم العبـالـي
وايمن منازلهم حـدود العلـم فيـه=ويسار لامن الحيـا جـاء شمالـي
ترعونـه بعـرب تقطـف حلاويـه=غصب على نشرالخفيـف الموالـي
وان صرصر الجندب ويبست مراعيه=تلقى على المحدث بيـوت واهالـي
تلقـى بيـوت قيلـن الفـلا فيـه=ومصطـرات فيـه صبـح الدلالـي
ومن غيرها يلقى العشا عند راعيـه=يلقاه مـن شانـت عليـه الليالـي
لاد الكريزي لاشترى الموت شاريـه=ثم صاح صايح والدبش في المفالي
لحقوا على مثل المها فـي تحاليـه=صفر غذاها مـن حليـب المتالـي
مركاضهم يبرد ضما كبـد راعيـه=لا دبـر الاول وخــلا التـوالـي
لا قام راع الغوج ينخا ولـد خيـه=يافـلان ياحامـي عقـاب التوالـي
ترى حصاني شرعن الرمـك فيـه=بمشلشلات مثـل وصـف الحبالـي
كـل ينـادي ميتـه يقتضـي فيـه=والحوم في جو السماء لـه ظلالـي
اوحي الكريزي يوم كثرت عزاويـه=ماعاد لي حيلـه ولا لـي محالـي
قمت اندب كحيلان يرفـع مواطيـه=وقام يترفـع مـع رفيـع الحبالـي
در العرابا شاربـه فـي حواجيـه=قـام يتزبـر كـنـه ام الغـزالـي
انت الامير اللي زهى الكيف راعيـه=والختم في يمناك عصـره هلالـي
ورث لبوك وجـدك اللـي يواليـه=والجد الاقصى ذاك ريـف الهشالـي
بيت الندى تلقى النـدى دايـم فيـه=وبيت الهوينا مايجـي لـه ظلالـي
احييت عادة شايـب كنـت تاليـه=وشرفتنا يـوم ان سلكـك جلالـي
يامرحبـا ترحيـب غـال لغالـيـه=ترحيب من شاف المطر والخيالـي
وترحيب مولود حبـا بيـن اهاليـه=امه تجـره فـي سميـن الظلالـي
اهل طلال ويومه اللي جـرى فيـه=كم سابق طاحت عوضها الجلالـي
وكم سابق راحت رسنهـا تباريـه=خلـى ثقلهـا طايـح فالمجـالـي
وصلاة ربـي عـد ماهـب ذاريـه=على النبي اللـي حكـم بالعدالـي

ابو فارس


تحية طيبه . اعذرني على نسخ القصيدة

وأعادة تنسيقها أخي الفاضل

اجتهدت مشكور وجلبت لنا عامة

هذه الرائعه التي لا نملك الا الدعاء

لشاعرها بالرحمة تجاوز الله

عنه واسكنه فسيح جناته

وما دفعني للتنسيق والتعليق هو ان للشعر

عند جيل هذا الشاعر مكانتة الحقيقة

وبالاضافة الى ذلك كانو الشعراء

لهم مكانتهم عند قبايلهم وعند عامة القبايل

لكونهم لاايمدحون الا المديح

وعند الشاعر يقن تام بأن الرجال يتابعون ما يقول

وينتقدونه اذا وقع محل الانتقاد .

ويخاف ان ينطبق عليه هذا المثل ( يهرف بما لا يعرف )


الذي ينطبق على اغلب شعراء هذا العصر .


آسف للإيطالة ورحم الله الشاعر / شالح الشماسي

والف شكر لك يابو فارس على اتحافنا بهذه الدرة


أخوك
راشد الرياحي

يامرحبا ياراشد
وتشرفت بمرورك اولا
وبصراحه مرورك شرف بحد ذاته
وانت شاعر لايمكن ان تستغني الشبكه عن جديدك
فلا تحرمنا ذلك
وبخصوص ابو قارس انا ولد عمه
ماجد سعد مقعد