السلام عليكم ورحمة الله وبركاته
8
8
8
اخواني واخواتي اساتذتي الكرام الله يسعد اوقاتكم بكل خير يالنشاما
الحقيقه في البدايه اعتذر عن انقاطعي عن المنتدى بسبب مرض الوالد
الله يقومه بالسلامه ويشفيه ويشفى مرضى المسلمين اجمعين..
الحقيقه تآثرت بتنويمه في المستشفى وهاضة قريحتي الشعريه.
وكتبت ابياتٍ اوسع بها خاطره شوي واليكم القصيده
..... والمعذره ان خانني التعبير يابو مقعد....
888
البارحه في ظلمـة الليـل هايـب=سبحان رب البيت جزل الوهايـب
يقدّرالاسبـاب فـي لمحـة العيـن=ويضيق صدر المبتلى والرحايـب
لبيه يامن في غيابي ينادي=انا جليسك لاتقول انت غايب
لاخيـر فـي شعرٍتعـدّاك يابـوي=ولاخير في شعرٍ يجيب المصايـب
يابـوي مآجورٍوماجورمـاجـور=عساك سالم ياعطيـب الضرايـب
يأبو الكرم والطيب والعز والجـاه=ياماعلى طرياك سيـق الركايـب
ياعزعايـش عـزك الله بـذكـره=يانوربيـتٍ بعدفرقـاك عـايـب
خذني عصاك اللي تقديك في الدرب=خذني عضيدك في المحن والكرايب
خذني فداك اللـي بعيـد وقريبـي=حتى حبيب الروح سيـد الحبايـب
خذني عيـونٍ ساهـره ماتنامـي=ان كآن عن عينك سنا النورغايـب
وأن كان يابويه غزاء رآسك الشيب=انا شبابك لاتقـول انـت شايـب
نذرعليّ اني لاشيلك على الـرآس=مادمـت يارآسـي تشـم الهبايـب
وأن راده الله وانكتب لـك سلامـه =لأحط رآسك فوق هـام السحايـب
اللكل يشهد فـي صلاتـك ويثنـى=في مسجدك والدمع في العين رايب
فيآبوي وقتٍ منـه شفـت الغليبـه=وقتٍ منه شفنآ العجـب والعجايـب
عز الله اني من شقأ الوقت ضميان=ياوقتنا اللي صـار بـرده لهايـب
والمعذره يأبوي ان كآني اخطيـت=ذي سنة في الخلق مخطىء وصايب
والله مايوفـيـك( مليـون)قـافٍ=ولو زدهن يابوي مآهوب طايـب
ياهاجسي مليت انـا اليـوم مليـت=يالابتي تكفـون سقـم( الحرايـب)
ان كأن ابويه ماتلاشـى ولاطـاب=عز الله اني فـي خبر(كان)سايـب
وختامها مني صـلاةٍ علـى اللـي=الّف قلوب الناس سلـم وحبايـب.