اخواني الكرام::
لكل مجد من امجاد قبيلتنا له مناسبة.........................
ويستحق منا التشجيع والمديح والافتخار أما" بالقصيد او بالمجلات الاخرى".
وهذه القصيدة بمناسبة فوز قبيلة سبيع بالمراكز الثانية في كل لون من الصفر والوضح والمجاهيم ولله الحمد.
قالها الشاعر المعروف/ ذياب بن دحيم بن حديجان السويدي السبيعي فوقعت بيدي عبر احدى الاشخاص وهي تستحق
الطرح في هذا المنتدى.
القصيدة:
مبداي باسم اللي كفل رزق الانسان == مشفي جسد الانسان من كل عله
الحمد للمعبود من قلب والسان == الشكر لك يا مكون الكون كله
يا هادي المسلم على بذل الاحسان == مغيث الارض بمزنتن مستهله
واثني جزيل الشكر لطوال الايمان == حكامنا قادة وطنا وظله
يهدى لعبد الله ومشعل وسلطان == خطلان الايدي كل صعب تحله
روس لها تاريخ في كل ميدان == صفوة عرب وبها العرب مستدله
إن جات لمواجه سلاطين شجعان == ومن الكرم غيث اليدين المقله
ميزانهم يرجح على كل ميزان == أسود غابه قربهم ما نمله
للشعب غيث يبعد الهم وآمان == والدين خلو سلطته مستقله
تحكم بشرع الله ومضمون الايمان == تطبيق نص وروح مذهب ومله
لبنا وطنهم قدموا قدر الامكان == حق المواطن يا صله في محله
وفالدبدبة أسس مزاين لذيدان == بدوا الخليج اللي تباشر بحله
تسابقوا للفوز حضر وبدوان == كلن حضر بالذود دقة وجله
وده يفوز بجايزة عالي الشان == عبد العزيز إن كان وده حصله
ولا يفوز بجايزة غيث الاوطان == عبدالله اللي عزه الله وجله
وما كسبها اليوم فالصبح كسبان == في كل عام تعاد كله أرضله
واللي يقول ابلي بها فرق وزيان == البدوا تخلف من عظامه تقله
وإنا كسبنا فوز ثلاث الالوان == سبيع ميدان المبارز هلله
بالصفر شجعنا بفوزه دبيان == المركز الثاني خذه وستحله
وبالوضح نومس ربعه سبيع سلمان == بالفوز بالثاني وهو جاهزله
وحشر كسب فوز المجاهيم لاهان == المركز الثاني بذوده وصله
ومنا مع اللي بوسط الجمع فرسان == ومن سار وصل وسجلت في سجله
أبنا وطنا كلهم ربع وخوان == في الدين والمذهب وزين الجبله
اللي حضر مسرور ماهوب ندمان == له الشرف ماهوب ندمان لله
شارك ومثل لابته طير حوران == وشرف مقام معزبن منصتله
ذخر المليك اللي دحر كل شيطان == وامن بلاده من كبود مغله
عسا جزاه بحور جنة وغفران == يطهره مولاه من كل زله