ليله/ لذكرى امس/..حلـم الطفولـه=.برد وجفا واحزان شـوق وحكايـات..
ذكرى ليالي مـن سنيـنٍ.... خجولـه.=عدّت بخافـق كلـه جـروح واهـات
ليل ..ومشاعر... والقصايـد عجولـه=.باسم الشقا..كان السهر ..شمع واشتات
اهرب من الحاظر وحزنـي يطولـه.=.ميـلاده الموعـد علـى هـمّ لحظـات
الشوق دايـم مسـرجٍ لـي ..خيولـه=.مايـدري ان الحـب كلـه معـانـات
احيـان فكـري يندفـع فـي افـولـه=.ياقف على اطلال السفـر والمتاهـات
تذكـار يتعـب خاطـري فـي حلولـه=.يطغى على روحي ويطغى على الـذات
مرتاح واحزانـي تهنـي وصولـه!!!=..وش عاد باقي غير حبٍ وقد ماااات؟!!
مشوار عمري/ مامضى فـي سهولـه=.في يوم يرجع؟؟أو..ماعـاد. هيهـاات
مشـوار يادمـع النـدم فـي نزولـه.=.دار الزمان وماضي الوقـت قـد فـات
غير الخيال وهاجـسٍ بـي ذهولـه!=..على الاماني ياخذ الشـوق وقفـات!!
عـاد الالـم يرمـي مراسـي حمولـه=.وين الامل باقي مـن الليـل سجـات؟؟
هـذا كتـاب العمـر تحـزن فصولـه.=..حايـر قـدم والـدرب كلـة ملـفـات
العمـر رايـح والفـرح فـي ذبولـه=.معـاد باقـي لـه بدربـي محطـات..
لاهو بحولي ...لا .. ولانيـب حولـه=مافاد به رجـوى ولا فـاد فزعـاات!!
وش عاد باقي يمكن انـي اقولـه؟.=.والحزن هـذا باقـيٍ لـه علامـاتّ!!
وش الذي باقي وأبرجـي هطولـه.؟=.حلم الغلا مازال؟؟ باقـي ولا مـات؟؟!!
مات ومعه مـااات حلـم الطفولـه.=.والليـل سـاري وابعدتـك المسافـات
م======ن