[راعيها]

كنت أسمع عن الشاعر أبو فهد كثير وكان ودي أشوفه .
وفي يوم من الأيام كنت أنا وشامل جالسين في الأستراحه دق تلفون شامل رد شامل طلع
أبو فهد قال : تراني بجيكم , وفعلاً جانا أبو فهد وتعشينا وقعد عندنا خميس وجمعه ولكن أبو فهد هذا طلع ماينعطا وجه هههههههههههه:D
يومين ياجماعه ماكنت أعرفه قبلها;) مايدق جوال إلا هو اللي يرد ماتجي سالفه إلا يسولف فيها ( يعرف كل شي ) ومن زود الميانه قام يطبخ لنا كبسه :( كلها ملح وحنا نجامله وناكل منها ونمدحه عشان مايتحطم المسكين, وعلى هالحال غداء وعشاء لين راح وحنا ناكل ملح في ملح .حتى عامل الشقه خذا عنوانه في بنغلاديش ( يمكن يروحلها ) :D
وشامل ( الطائي ) مخليه ينام في غرفه وبقية أفراد الشقه في غرفه ( ماعندنا ألا غرفتين نوم )
والله لايوريكم أنواع الزحمه كل هذا عشان ينام أبو فهد مرتاح , ومع الفجر صاحبنا يقومنا , مسويلي فيها قهوة وعلوم رجال ويدق الهيل بالنجر أنوع الأزعاج .
وكل سوالفه قصيد مايتكلم زينا , ومايركب في السياره ألا قدام ( أنواع الأحترام )
وفي الأستراحه نلعب طايره كل الفريق مسخر لخدمة أبوفهد اللي يستقبل واللي يعد عشان أبوفهد يكبس وهومافي راسه لعب طايره كل شوي وحنا نطلعه من الشبكه ( ناشب فيها )


بس بصراحه أبوفهد ونيس ونسنا والكلام اللي سبق كله مزوح :D

نتمنى أن يكرر أبو فهد زيارته وحناوالله فرحنا بالزياره وأنبسطنا عزالله أنه ( أبوفهد ) مايلحقه قصور .

وسلامتكم