مرثية للشاعر حمود زامل السبيعي في أحد شيبان القبيلة المغفور له بإن الله / بواج بن مسلط السبيعي رحمه الله بواسع رحمته.
يامل عين تصب دموعـــــها صبي= نهارها والمسا من فوق الاوجـــــاني
ماتنتداوى ولا لســـــــــــبابها طبي= ومالومها من يلوم العين غلطــــــاني
أبكي على اللي ليا جيته يرحـــــبي= يفرح ليا جيت وافرح ليا جــــــــــاني
يازين والله خصــــــــال فيه تنحبي= ترحيبة بالضيوف ويكرم العـــــــــاني
راعي دلال حطبــــــــها دوم يشتبي= يفرح بها اللي يجي مضرم وعمساني
رجال الاجناب معصوم من الســـبي= يشهد على سيرته مترك وشــــــعلاني
شيوخ الرقيطا ليا من دندن الحربي= ينام في ظلــــــــــــــهم بواج والثاني
خلف عيال بعده تقــــــــــــوم بالنبي= يسلم لنا محمد وغالب وعثمـــــــاني
لاجاهم الضيف والمحتاج ما خـــبي= امعربين الخوال طوال الايمــــــــاني
واللي على سلم ذاك العــــود متربي= في ذمتي لو يشين الوقت ما شــاني
لعل قبر عليه يذعذع الغـــــــــــــربي= يسقي ثراه المطر من غر الامــزاني
عساك تكتب له الغــــــــــفران ياربي= وتحط له في جنان الخلد مســـكاني
وسلامتكم