الشاعر ثواب بن عبدالله بن وندان يرثي الشيخ المرحوم بإذن الله/محمد بن تركي السبيعي
ياسعود ياليت الخبر ذا ما صار &&& ألي فجع ياسعود كل القبيلة
ياسعود دمع العين من موقها فار &&& فور الدلال ألي تصال المليلة
تقول وسط الكبد ياسعود مسمار &&& من كبر خطبٍ حل مافيه حيلة
موتت محمد تفجع كبار وصغار &&& خسارةٍ على القبيلة رحيله
محمد إليا عدو طويلين الأشبار &&& من ألي بدو بالمرجلة فالطويلة
كريم سبلا لالفى الدار خطار &&& وعن ربعه يشيل الحمول الثقيلة
ولاهُب طفقن فالمجالس وثرثار &&& ولا كل من ناجاه يأخذ حصيلة
راسي كما رسا على الكون سنجار &&& ونفسه معودها ابكسب الجميلة
عساه مايعرض على واهج النار &&& وعساه في جنات عدن الظليلة
عساه في جنة عدن ضمن الأخيار &&& ويحضى بعفو ألي ينجي دخيلة
يالله ياعالم خفيات الأسرار &&& تجبر عزانا بالسيوف الصقيلة
عياله ألي فعلهم يشفي الأنظار &&& لاراح أبومناحي واحدهم بديلة
يالله لاتخلي عياله من الدار &&& وعسى عليهم ماتجي الفشيلة
مابه حداً يعفيه قصاف الأعمار &&& عِدّ إن جميع الناس لازم تجيله
وصلاة ربي عد همال الأمطار &&& على شفيع الخلق وقت المهيلة
صح لسانك