[خيَّال الغلباء]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : كل عام وأنتم بخير وإليكم قصيدة العيدية للشاعر الكبير / سعد بن جدلان الأكلبي وفقه الله ويقول فيها :-

عيد الله عليك يعود بالمستكا والعود =أهنيك جعل الله بشوفك يهنيني
عيدية ضمير (ن) حط فيها الفراق لهود =أجامل على الأنظار والهم طاويني
أجدد مع ذكراك عقب الغياب عهود =وأنا والله إني خابرٍ منت ناسيني
مواثق ست سنين يا ناسع المردود=يمديها تزيل الشك من بينك وبيني
ولو كرهوا الحسّاد وأهل القلوب السود =محبتك في قلبي وقدرك على عيني
محبتك عندي كل ليلٍ ويوم تزود =تزيد وتجدد دمت أنا وأنت حييني
فلو طولت فرقاك قلبي رعاه الدود =خطر علي أدخل شهار المجانيني

هذا والله يحفظكم ويرعاكم منقول مع خالص التحية وأطيب الأمنيات وأنتم سالمون وغانمون والسلام .