[ابن قطنان1]

: الكويــت :.


يـا قـاف لاتزعـل علـي لـو زاد لـومـي حبّتـيـن
شاعـرك ذي ثالـث سـنـه قصيـدتـه مــا قالـهـا
غيّبتهـا عنـي وعــذرك لاحـشـى مـاهـو سمـيـن
سـوق المعانـي سوقـهـا واتــرك عـلـي موّالـهـا
محبوبتـي ماهـي بتستاهـل كـذا ! يـا اغلـى خديـن
ان مـا سعـت لـي بالشعـر غصـب ٍ علـي اسعالهـا
الـدّره اللـي لـو يعذربهـا ( جمـوع الحاسـديـن ) ؟
مـا عـذرب عـذوق العنـب غيـر الـذي ماطالهـا !!
مـن عادنـي وسـط المهـد وهـي سقتـنـي باليمـيـن
فنـجـال حــب ٍ لا رشفـتـه زاد حــب دلالـهــا
مـرت سنيـن وحبّهـا يكبـر عـلـى مــر السنـيـن
ونـذر ٍ علـي لامــوت مـاهـزت يــديّ فنجالـهـا
من وين ببدى يا شعر ؟ يا وين بوصـل بـك يـا ويـن ؟
وانـا اقتنعـت انـي بقصّـر قـبـل اعــدّ خصالـهـا
الترفـه اللـي زينهـا طـاف وتـعـدى كــل زيــن
مـا تشـبـه الا غيـمـة ٍ احـلـى الشـهـد همّالـهـا
الظفـره اللـي بالقسـى تصـمـل ولا يمـكـن تلـيـن
تشـهـد لـهـا وقفاتـهـا .. تشـهـد لـهـا افعالـهـا
مجـرّبـه واداحــم التـاريـخ بالجـنـب المـتـيـن
لانـهـا اذا جــت للـكـرم !! متـفـرّده ولحـالـهـا
وان قلت منهي ؟ قلت لحظه ! لجل ارفـع لـك ( جبيـن
كـل الحكـي ) و انطـق لـك اسـمٍ شلّتـه واشتالـهـا
ذي دار ( اخو مريّم ) عريب الجـد والحصـن الحصيـن
ذي عيـدي اللـي كـل يــوم يـهـل فــيّ هلالـهـا
هـذي الكويـت وخـل فـراغ وحـط بعـده نقطتـيـن
واكـتـب ( عـبـاره ) تعتـبـر وصـيـة ٍ لاجيالـهـا
( اكبـر نِعـم رب العـبـاد انــه خلقـنـا مسلمـيـن
وانـه جعـل الكـويـت ديرتـنـا وحـنـا عيالـهـا )
دار السـلام اللـي تـحـب انّــا نـكـون مسالمـيـن
لانهـا اذا ضاقـت تعـرف شلـون فـعـل ارجالـهـا
في كـل صبـح وبحرهـا يحكـي لـك بشـوق وحنيـن
عن هيّـة ( الرقـه ) وكيـف المـوج ( قبّـل ) جالهـا
و ( القصر الاحمر ) علـم الاجيـال وش معنـى عريـن
دامـه يعبـر لـك عـن ( الجهـرا ) وفعـل ابطالـهـا
تاريخ .. والتاريـخ يحفـظ .. واسمعـوا يـا الطامعيـن
ذي دارنـا .. وآمالنـا ..واحوالـنـا .. مــن حالـهـا
انحبّهـا والطـق مــا ينـفـع بـكـم يــا الميتـيـن
مير اقصروا شر ( العجوز ) اللـي ( تبـث ارسالهـا )
مهمـا حكيتـوا وابتليتـوا ذي عجيـن و ( ذيّ ) طـيـن
يعنـي علـى قـول المثـل : فــال الله ولا فالـهـا !!
ميـر الله الله بالفلـس يـا اهـل الفلـس يـا المفلسـيـن
لا وآخـاسـرة كـدكـم .. والخـيـل مــن خيّالـهـا
وتبقيـن يــا دار السـعـد مـدهـال كــل الطيبـيـن
فـي ظـل مـن لا عقدوهـا قــال : انــا حلّالـهـا
نعم ( الامير ) ونعم ( الارض ) ونعم يا ( الشعب الامين )
ولاهـنـت يـاقـافٍ تجـمّـل بــي قــدم موّالـهـا
ويالله حـقـق مطلـبـي مــدام هـمـي حاجتـيـن ؟
( اموت مـا جاهـا ضـرر ) وان ( اندفـن برمالهـا )





.: صفوة رجال اللي حكم شبه الجزيره كلها:.


يالله ثبتنـي .. علـى درب الهدايـه والهـدي
واغفر ذنوب ٍ فوق متني .. كـل يـوم أشلهـا
اسألك حسن الخاتمه لا جات لحظـة موعـدي
وأعوذبك من شـر بقعـا والصـدور وغلهـا
واليا اجتهدت بماقفي طالبك لا يضيـع جهـدي
واسألك تمنعنـي مـن الزلـه قبـل لا ازلهـا
وتعين رجليني بطاعـة شايبـي علـى العـدي
وتزرع محبة خدمته فـي خافقـي .. وأجلهـا
فإن طبت في خدمة ابوي اشوف طيبي بولـدي
مثل .. مثل .. ما هيب لحية ليتهـا يـا علهـا
وانك تثبتني .. على نهج المراجل لا .. غدي !!
حنا بزمن !! فيه الرجـال الوافيـه يـا قلهـا
فالرجل لولا الدين والاخـلاق والكـف النـدي
ما كنه الا الشجره اللـي مـا يظلـل ظلهـا !!
والشاعر ان ما راوده الاحساس بانـه مبتـدي
يعمي الغرور عيونـه ويكشـف عيوبـه كلهـا
وانا اعتبرت الشعر دمعه تسكن براحـة يـدي
أليا حزنـت أهلهـا .. وأليـا فرحـت أهلهـا
واليوم هذا غير !! كن الشعر في كـل جسـدي
لا جف ريق أعذب بحور الشعر !! جيت أبلهـا
وفي مدحكم يا أهل الحفل يطيب موال الشـدي
ومن شانكـم تتسابـق بيوتـي عشـان أهلهـا
انا انشهد الجلاّل مـا فيهـم ضعيـف ولا ردي
لهـم مكانـه تبطـي الردّيـان مـا تاصلـهـا
لو كان ما فينا عضو ولا وزيـر ٍ فـي بلـدي
من طيبهـم نعقـد حبـال الواسطـه ونحلهـا
ونيابة ً عن الرجـال اللـي كرمهـا سرمـدي
اللـي جمعتنـا فـي ضيافتهـا وفـي محلهـا
يا مرحبا ترحيبة ٍ مـن بيشـه إليـا الاحمـدي
باللابه اللـي سجلـت كـل الشـرف بسجلهـا
سهول ولاّّ سبيع ولاّ سهيـل وأخـوه الجـدي
ألا الوكاد ان كلهـم واحـد وانـا فطـن لهـا
فالجد ولا فالمكانه .. فوق .. فوق .. ومقصدي
عيينين في راس .. وقلـوب الحاقديـن نعلهـا
نطّاحة القالـه هـل الطالـه كعـام المعتـدي
صفوة رجال اللي حكم شبـه الجزيـره كلهـا
مثل السحاب اللي ترزم واسبـل وهـلّ بـردي
نارد على حـوض المنيّـه والسيـوف نسلهـا
حتيييش لو درب العُلا صلف وصعيب وجرهدي
الله خلقـنـا للصـعـاب وللقـمـم نحتلـهـا
إليا رضينا .. نفـرش الدنيـا بسـاط ٍ أحمـدي
وإليا زعلنـا .. تبكـي عيـون الخليلـه خلهـا
واللـي يبـي يفلـح يقلدنـا وفيـنـا يقـتـدي
يعمل عمايلنـا إذا هـو قدّهـا كفـو ٍ لهـا !!
حنا شرحنا للبشر معنى ( سنافـي واجـودي )
هـذا طريـق المرجلـه ياللـي تبيهـا دلـهـا
قوم ٍ لنا في صفحـة الأمجـاد تاريـخ ٍ مـدي
سلايـل ٍ تغنيـك دق فعولهـا عــن جلـهـا


.: يقطع .. سنيـن العشـق :.


البـارحـه .. مــا بـيـن هـمـي و الأوراق . !
جـرّ القلـم طــارووق .. حـزنـن يسلـيـه . !
و أسترسلـت أبيـات شعـري .. مـن أعمـاق . !
الموقـف اللـي مـرّ .. و أزريــت أعـديـه . !
موعـد لقـا .. مبنـي علـى نيـة .. أفــراق . !
كان الأخيـر .. و ضيـق الصـدر .. طاريـه . !
و لا هي غريبـه لـو أقـول : الصـدر ضـاق . !
لكـن الأغـرب .. كيـف .. مـا ودعـه فيـه . !؟
كانـت دموعـه تختنـق بـيـن .. الأحــداق . !
و نظـرات عينـي .. تقتلـه .. ثـم .. تحـيـه . !
كنـي جلسـت أعلمـه .. كيـف .. يشـتـاق . !؟
و كنـه يعلـم شعـري .. شلـون .. يرثـيـه . !؟
شـح الزمـن .. بموادعـه .. و المسـا سـاق . !
حـزن القصايـد .. و العتـب .. و المشاريـه . !
يـا ليـل .. و الله مـا ورى .. ليلـك أشـراق . !
النـور .. عانـه يسحبـه .. فــي خطـاويـه . !
عشاق .. قلي : ويش . !؟ أو .. ليش . !؟ عشاق . !
ألا .. ضحايـا وقــت .. مــدري شسمـيـه . !
يقطع .. سنيـن العشـق .. يـا درب الأشـواق . !
ياليـت .. بيـدي شـي .. و أقــدر أسـويـه . !


.: حزنها عراقي :.


يـا وقـت لا تقـلـب الآيــه"
" لا تبعثر الهـم .. باوراقـي ..
لـو تسئـل القلـب وش رايـه"
"نطقلـك الـراي .. باحداقـي .!
رسمـلـك الـدمـع بشفـايـه"
"وطفابك الظيـم .. باحراقـي ..
بحكـي لـك الليـلـه حكـايـه"
"مـن بعدهـا.. كـل عشاقـي ..
خـلـوا بداياتـنـا .. نهـايـه"
"واستعجلـوا لحظـه افراقـي ..
يـا صمـت .. صدقنـي كفايـه"
"ابعزف البـوح .. باعماقـي ..
ويا وقـت حـط بالـك معايـه"
"او حـط بالـك مـع الباقـي ..
هـي قصـةٍ مـدري روايــه"
"بس المهم .. (حزنها عراقي) !!
ابطالـهـا : طـيـب مجنـايـه"
"وحظي وعقلي مـع اخلاقـي ..
كانـوا سبـب كثـرت اعدايـه"
"وخلوا البحر .. يعشق اغراقي ..
عن جد .. ما عـاد لـي غايـه"
"دام انهـا.. ذنـب خفااااقـي ..
وعن جـد .. يـا شيـن بلوايـه"
"دام الهقاوي .. خطا الهاقـي !!
لـو للامانـي معـي وصـايـه"
"وصيتها تعلن.. اعتـاااا قـي ..
لا ن الظـلال اصبـح هـدايـه"
"ولان الظمـا مـيـزة السـاقـي
ولانـي وطـن وسـط منفـايـه"
"ولاني صدى صرخه اشواقي ..
وجهي غـدى .. للشقـا مرايـه"
"من شافنـي.. قـال يـا شاقـي
ممشـاي مـا هـو بممشـايـه"
"الدرب .. مستاحشٍ سااااقـي ..
عجـزت : الاقـي لـي بدايـه"
"في مغربي مـاااااات مشراقـي
يـا وقـت لا تقـلـب الآيــه"
"كيـف الظمـا يقتـل السـاقـي





.: مايملي عيون الرجال !!:.


مايملي عيون الرجال من الرجـال الا الزحـول
ابصـم عليهـا بالعشـر عـن اقتنـاع وتجربـه
واصدق احاديـث الزمـان تقولهـا كبارالفعـول
ماهـو حديـث الالسنـه لـو وثقتهـا المكتبـه
والمدح لامن قيل في رجـل يقـول ولا يطـول
كنـه مسبـه والطريـقـه راقـيـه ومهـذبـه
والقلب ضحكة صبح مترامي وبالحزن ومغسول
تجمع الاضـداد فـي صـورة جمـال مرتبـه
والشعر فارس حلـم والفكـره حياويـه بتـول
انـا الـذي يرسـم تفاصيـل الزفـاف ويكتبـه
ماجيت اروج للهزل وحـاور كفـوف الخبـول
من باب كسب اعجاب ساذج ومن سذاجة معجبه
ولاجيت اقول ان التكبر شرط تبريير الوصـول
دام الوصول احيان مايحتـاج شعـر و موهبـه
لا والله الا جيت ابنشر فكـر واخاطـب عقـول
لـو كثـر اكثرهـم نمـط تواجـدي مايعجبـه
يكفيني اعجابـي بذاتـي روح وافكـار وميـول
و تفاخـري لامـن لقيـت بينـي وبينـي شبـه
مانيب منافس غير انا واحساس في صدري يجول
احيان اقوله واكتبـه واحيـان يكفـي واشطبـه
والبارحه مثل السنه تجـارب ووقـت وفصـول
عطت ضميري من دروس الوقت مالـم يطلبـه
زلت خويي وطعنت صحيب وتشمت من عـذول
ياكبرها فـي حـق مـن يفخـر بفعـل وشنبـه
تطّلع الرجال مـن طـوره وتدخلـه فـذهـول
مابين مايصدق ماحصل او مـا حصـل يكذبـه
لابارك الله في النوايا البيض لاصـارت تحـول
من دون عرفك صدق نيـة صاحبـك ومذهبـه
لكن دامـك محتـرف ياصاحبـي دق الطبـول
حاول تلاقي لك مكان بخلـف بظهـر المطربـه
ماعاد لـك عنـدي مقـام ولا مـلام ولاقبـول
وجه على حظك ركايـب لـوم نفسـك واندبـه
ياصوتي المبحـوح ساعدنـي اباغنـي واقـول
شي وقـف لـي يسهلـه قـدام افكـر بصعبـه
والحب هبّل في عقل قيس وترك قيـس مهبـول
وانا على حده سبـب مـن مـر قلبـي وسلبـه
الفارع اللي كنهـا مختـاره مـن طـول طـول
يلبـق علـى رزة جسدهـا لاتحـرك موكـبـه
اليامشـت تنتابـك الحيـره ويذبحـك الفضـول
كـن بعضهـا ماهـوب وياهـا وكنهـا تسحبـه
لبا غنجهاوالكلام الـذرب والطـرف الخجـول
اللي ليا من سلهـم عرفـت ان المنيـه بسببـه
وانانجيل شعور لو ماكن فـي جسمـي نحـول
واخـااف يغلبنـي غـرام عيونهـا ولا اغليـه
والموت ماهو من خسار صاحب الغرو الجفـول
الموت لامنـي دريـت ان غيـري قـد يكسبـه



.: حســ ب ــة اخواني :.


مـا تباطـيـت القصـيـد !! الا تباطيـتـك
والشعر في جيتـك شكـل وطعـم ثانـي ..
عانك اقبلـت ولمحتـك فـي شطـر بيتـك
(( فكره مجنونه تسلى بضيقة اوزانـي !! ))
يا اعـذب احسـاس ٍ ملكنـي علـك وليتـك
تفهـم الشعـر ان شربـك بصحـة لسانـي
يعلـم الله فـي غيـابـك مــا تناسيـتـك
بس فـي مـره نويـت انسـاك ممدانـي ؟!
قلـت ابنسـى وارتفـع صوتـك ولبيـتـك
واثـر خفاقـي بصوتـك عـنـك نـادانـي
ويـش اسـوي دامنـي بالجـوف ربيتـك ؟
طفل تسـوى هالحيـاه بعيـن : شريانـي .!
تلعب .. وتكبر .. وتكبر .. ليـن عديتـك :
بالغلا ( آخر نمـاي ) وكـل ( شيبانـي ) ..
والله ان عمـري بـدا مـن يـوم حبيـتـك
واعرف انه ينتهـي لـو قلـت : تنسانـي !!
حـط فـي بالـك انـا مـن عـام خبيـتـك
ان صحيت بخافقـي وان نمـت باجفانـي ..
مـا بـي غيـري يلمحـك حتـى لغنيـتـك
غرت من صوت الصدى لا ردد الحانـي !!
مـن كثـر مـا اشتقـت لطيوفـك تمنيتـك
رمش عيني او تصير الشوف لا اعيانـي ..
وان تمـادى هالحنيـن بجفـنـي ضميـتـك
وقتها : القـاك ! لكـن ليـه مـا القانـي ؟؟
والله انـك مـن لفيـت بنبـضـي حييـتـك
وكنـي بقولـة ( هـلا) بيّنـت حرمانـي !!
هـذا حالـي يـا الغـلا مـن يـوم خليتـك
وانت طمنـي علـي فالبعـد وش جانـي .؟
اذكـر انـي بالوفـا صغـتـك وسمييـتـك
واذكـر انـك بالوفـا كـنـت تحـدانـي ..
وصرت اشكـك فـي كلامـك ليـن بكيتـك
وقلت موعدنـا يجـي كـان الله احيانـي ..
ويـوم جيـت بخافقـي وبخافقـك جيـتـك
كنت انا رابح مع اني ( خاسر رهانـي !! )
والاكيـد انـي لقلـبـي بـيـدي وديـتـك
وعاد شوف اليـوم ويـن الحـب ودانـي ؟؟
يـا عسانـي صـدق ولعـتـك وهميـتـك
يـا عسـاك بجـد تعشقنـي وتهـوانـي ..
ولـو تقـول انـي بغيابـي عنـك عنيـتـك
انت همك صرت اعده (( حسبة اخواني !! ))




.: أشوفك على خير :.


لا صرت بايعني .. اشوفـك علـى خيـر
مـع السلامـه .. دام مـا بـه سلامـه !!
قلت : انتهينا؟ قلت لك : خير يـا طيـر !
مانـي بـاول شخـص يخسـر غـرامـه
محـذرك مـن قبلـهـا الــف تحـذيـر
لا عفتنـي بيعـيـف قلـبـي هيـامـه ؟؟
مانيـب ميّـت لا ! ولا احتـاج تبـريـر
صـح الله لسـانـك .. ووفــر كـلامـه
بسمعك .. حبكه .. وفكـره .. وتصويـر
وافهـم عـدل يــا مـدعـي بالفهـامـه
وجه الشعـر ( ابيـض ) ويحتـاج تغييـر
ودي تـزيّـن هالقصـيـده ( عـلامـه )
ماضيك ( الاسود ) بذكـره دون تقصييـر
كذا يكون بخـد هالشعـر .. ( شامـه !! )
يصـدق معـي تعبيـر .. ويخـون تعبيـر
يا ضيعة الشاعـر .. بوقـت انسجامـه !
يمكـن خطـا ادونـك بالشعـر ؟! مـيـر
لو مـا احترمتـك ؟ للغـرام احترامـه !!
ما كان حبـك غيـر بـس طعنتـك غيـر
علمتـنـي معـنـى الـنـدم والـنـدامـه
مـا جـاك منـي اي زلــه وتقصـيـر
كل مـا خطيـت اعاتبـك .. بابتسامـه ؟!
حسبي علـى الذكـرى اذا هبـت عصيـر
مـا عـاد تنـفـع شرهـتـي والمـلامـه
البال ( ضامي ) وقتها والحـزن ( بيـر )
( خسرتك ) وهمي ( كسبت ) اهتمامـه !!
والليل فازع لـك كـذا !! جانـي مغييـر
ظلمتـنـي واكـثـر ظلمـنـي ظـلامـه
لا اقبل علي اوحييـت صـوت المساييـر
وفزيـت كـل ضيـف ٍ اقــوم بمقـامـه
وليا عـزم هالليـل ( ضيقـه وتفكيـر ! )
قلّـي بربـك كـيـف بـقـدر انـامـه ؟؟
مـا فيـه داعـي للعـتـب والمعـاذيـر
الغدر ( خال ) الجرح واطيّب ( عمامه ) !!
أما يجيـب الله مطـر .. تالـي وخيـر ؟
ولا السلامـه مـااااش مامـن سلامـه !!




.: قاتلين الروم :.


لا رقص جن القصايد وابتدى نظـم القصيـد
وارتفع جـو المعانـي وانحبـك در الكـلام
بعـدوا اقـرب خيـال وقربـوا ابعـد بعيـد
واسمعـوا شعـر ٍ سطابـي عيفنـي المنـام
شاعر ٍ بـأول شبابـه طـوع القـاف العنيـد
اشهدوا له خيرة الشعّار واهـدوا لـه وسـام
جابهـا بيمنـاه يـوم انـه تولـع بالنشـيـد
وجنب الـزلات والهفـوات ودروب الحـرام
عـارف ٍ ربـه وابـوه معلمـه راي ٍ سديـد
جوّد وصاته لجل يبقـى كريـم ابـن الكـرام
مطابق ٍ اسمه اسـم جـده ولا يمكـن يحيـد
عن طريق اللي تسمى بـه ويبقـى لـه امـام
دامني (لمحمـد ابـن نهيـر) اتسمـى حفيـد
والله ان ابقى على شموخـه وطيبـه بالتمـام
يا قصيدي اشهد ان هالموقف لشـرواك عيـد
شاقني مدح الرجال اللـي بهـم محـد ٍ يـلام
عزوتي ثم تاج راسي محزم الوقـت الشديـد
لابتـي يـا لابتـي ياللـي تظيـم ولا تظـام
سهول مجد العـز ولا قالـوا العـز المجيـد
يكفي لاقت سهلي يوقف لك الكـون احتـرام
لابـة ٍ مـن طيبهـا ربـي خلقهـا للمفـيـد
في اثرها تلقى كـل النـاس تمشـي بانتظـام
طيبهم مخلوق معهم يسري في وسط الوريـد
ينطح الماجوب واصغرهم ولـو عـاده غـلام
جارهم داله وسالي مزبـن الجالـي الشريـد
المشاكيـل الحلاحيـل الرجاجيـل العـظـام
كانها بالطيش كم شيـخ ٍ غـدى منهـم فقيـد
وكانها بالسلم واخذ العلم هـم رمـز السـلام
(قاتلين الروم) دون الحق وهـم سـد ٍ عتيـد
عابدين الـرب حلويـن النبـا رووس الانـام
لابة ٍ من فضـل ربـي كـل مافيهـا حميـد
اسمها لو تذكـره فـي موقـف ٍ زال الغمـام
لابـة ٍ تذكـر وتتشـرف بهـا ثـم ٍ تشـيـد
صفحة التاريخ والعربـان تخصيـص ٍ وعـام
بعدها يا افكار شعري ارسلـي عبـر البريـد
السلام اللـي يليـق بربعـي عاليـن المقـام
صافحيهـم بالمعـزه خـد خـد وايـد ايــد
ياسـلام الله عليـهـم يـاسـلام الله ســلام
وارسلي اول تحياتـي علـى ربعـي وازيـد
التحيـه (للزقاعـيـن) بتمـعـن واهتـمـام
منبـع الجـود بزمنـا والكـرم فيهـم مديـد
طيبهـم طيبـاه درع العـز للفزعـه حسـام
تجفل جبال وتهيـج بحـور ثـم تجتـاح بيـد
لا تعزوي في (علي) حر ٍ تضايق ثـم حـام
وارسلي من بعدها من خاطر ٍ رايـق سعيـد
التحيات لبني عمي هـل الصيـت اللـي دام
(للبـرازات) ارفعيها(للمحيمـيـد) بجـديـد
خطي زفيها و(للظهـران) توقـف باحتشـام
و(للصعوب) و (آل محلف) تحية(ن) كنها(عقيد
قوم ٍ بحرب ٍ حمـى فيهـا حلالـه باحتـدام
واعتلي لا(لاد سلطـان) وسـلام ٍ مـا يهيـد
وارقـي يـم (آلاد قبـان) بتحيـات ٍ كـرام
والسلام اللي في صدري ينجرف مثل الجليـد
(للعبيـد)و(ال منجـل) سقتـه بكـل انسجـام
ياكبر حظي وانا اسمي اخـره اسـم ٍ فريـد
لاد سهل شهمنـي لاصرتـوا للشـده حـزام
ولا علـى كـل القبايـل زود للدنيـا رصيـد
تستحق المدح من صنعا الـى اطـراف شـام
وختامها صلوا على الهـادي شفيـع ٍ للعبيـد
كثر ماصلـوا وسـط مكـه تراويـح وقيـام
من محمد بن جـار الله بـن محمـد ال زيـد
يا سلام الله علـى ربعـي سـلام الله سـلام





.: ديـار * ابـن ثانـي * :.


مـرات احـس القصـيـد بــدم شريـانـي
يضخّـه القلـب ليـن يقـولـه لسـانـي . !
وانـي كتبـت الغـريـب الـراقـي الـنـادر
وانـه خلاصـة علـوم الفكـر الانسانـي . !
ومـرات احسّـه شـي لا يمـكـن آصـلـه
وان الصحافـه .. مجـرد مـدح مجانـي . !
واني ليا من قريـت ( لعافـت ) و ( مدغـم )
هـدت فيمـا كتبـت وشـابـت الحـانـي . !
لكّـن واللـي خلقنـي غيـر عــن غـيـري
إنـي أحبّـه واعـده ثـالـث اخـوانـي . !
لـذا يـا شعّـار جيـل ( الـكـل متمـكـن )
والكـل مبـدع .. و متميـز .. و فنانـي . !
أخـذو حقيقـة مشـاعـر شـاعـر ٍ منـكـم
* وجهة نظر * والصراحه .. نبض قيفاني . !
المسـألـه كلـهـا .. فـكــره وقـافـيّـه
وأبيـات مسموعـه مـن فـلان و فلانـي . !
نفس العتب .. و الغزل .. واللي قبـل افضـل
ونفس الفخر .. و اطيّب العربان .. عرباني . !
نـقـول شــي ٍ يقـولـه غيـرنـا لـكــن
الفـرق بالحبكـه .. و توقيـت الازمانـي . !
يعنـي بـلاش انتظاهـر ( بالأنـا ) واجــد
ما فيه ( ابو الطيب ) ولابـه ( لويحانـي ) . !
مانـي بعمـم !! ولكـن اغـلـب الاغـلـب
مستشعر .. مهايطـي خلقـه .. وقومانـي . !
لــو انــه يعـاتـب الرعبـوبـه الحـلـوه
يقـول ياطيـب ابـوي وطيـب جـدانـي . !
ومـدام هـذي حقيـقـة وضعـنـا الـراهـن
يمكـن مـع الوقـت رب البيـت يبلانـي . !
فـإن كـان شفتـوا اهياطـي يـا جماهيـري
تجاهلـوا كـل اشرطتـي .. و ديـوانـي . !
خلونـي احــس فــي قيـمـة تواجـدكـم
واتعـب علـى ذوقكـم كـان الله احيانـي . !
لكـم علـيّ اقلـب الدنـيـا عـلـى شـانـه
والـي عليكـم تحبونـه عـلـى شـانـي . !
وعلـى العمـوم الغريـب احساسـي الليـلـه
ماهـوب باحساسـي ان فارقـت شيبانـي . !
عوايـدي لا تركـت ديـار ( اخـو مـريـم )
أشعر بضيقـه واحـس الشـوق أضنانـي . !
لكـنـي الـيـوم كـنـي جـالـس فبيـتـي
مابين ربعي .. و خلانـي .. و صدقانـي . !
فيـا أمـا * الكويـت * موجـوده هنـا معنـا
يا أما دار الخفوق ديـار * ابـن ثانـي * . !
أحبّهـا مـن قبـل لاجيهـا وامــوت بـهـا
واحسّهـا غيييـر فـي فكـري ووجدانـي . !
والـلـي مــزوّد غـلاهـا شعبـهـا كـنـه
يعـطّـر الارض كمـبـودي وريحـانـي . !
من كثر ماهـو ودود .. و سمـح .. و يقـدّر
ماكنـي بضيـف كـن الشعـب ضيفانـي . !
والــدار تـبـارك الرحـمـن مـــا شالله
دره وفيهـا الجمـال اشـكـال والـوانـي . !
هنـا التطـور صحـيـح بكلـبـوا حـاجـه
رياضي .. و فكري .. و فني .. و عمراني . !
الله يبـيـض وجـيـه شـيـوخ ديـرتـكـم
يشهـد لهـم قاصـي العربـان والـدانـي . !
في ضـل قايـد مسيرتكـم * ابـو مشعـل *
و عيالـه .. و عزوتـه ذربيـن الايمانـي . !
امجادكـم مـا هــي بسهـلـه و حــي الله
لا والله الا بـحـد السـيـف شـامـانـي . !
ويكفيكـم مـن المآثـر .. موقـف الخفـجـي
يـوم الجمـوع اتداحـم فعلـكـم بـانـي . !
وعمـار يــا ديــرة التـاريـخ والطيـبـه
في ضل شيخك ( حمد ) وامجاد ابن ثانـي . !





.: محمد الثاني :.


يـا طيـر دام الله خلـق فيـك جنـحـان
طالبك اكفخ بالسما فـوق .. يـا طيـر ..
وانصى سميـي قبـل لا يثـور ( بركـان
حزني ) ولادري عقبها ويـش بيصيـر ؟
محمد انت ( ثانـي محمـد ) علـي كـان
عقب النبي يطري وسط ضيقتـي ميـر !!
وشلون بحكي لك اذا الصوت بـي خـان
يا صاح .. شف اقسى ظما هو ظما بير !!
واليوم صوتي طـرس واقلامـي لسـان !
بروي لك احساسي ومن غيـر تفكيـر ..
ماهـي حكايـة عشـق وبـيـوت واوزان
ولاهي قصيده بالشقا ( نبضهـا غيـر ! )
الا كـلام ٍ مـا نطقـتـه عـلـى شــان
يبقـى الكبيـر بناظـري دايـم كبـيـر ..
احـس كنـي منـه ضـايـق وطفـشـان
واخـاف يلقـى فمـد يمنـاي تقصيـر ؟!
ما هو عشانـي ! بـس .. مابيـه ينهـان
لان حالـي ان هانـوه بـآدق تصويـر :
( حبكة حزن ) في اروع ابيات مشعان !!
او ضيق عارف لا بلواا ( ديرة الخير )) ..
ياطير ما عاد الصدر يـورق اغصـان !!!
اشلع وجيـب لخافقـي منـه تفسيـر ..؟