[خيَّال الغلباء]

أخي الكريم الفاضل / الأضجم بعد السلام كل عام وأنتم بخير وصحة وسلامة وعيدكم مبارك ومن العايدين الفائزين المقبولين وشكرا جزيلا لك على مرورك الكريم والإضافة إلا أن الشاعر الكبير / خضير الصعيليك الأسمي الشمري علم في رأسه نار وقد طبقت شهرته الاّفاق وهو شاعر أمير نجد في زمنه / محمد بن عبدالله بن رشيد رحمه الله الذي طرده بسبب قصيدة فهام على وجهه متيمما أرض العراق فمدح أبو خوذه الشيخ / عبدالكريم الجربا رحمه الله بقصيدة مشهورة نسبت للعزي بن عيد رحمه الله ومدح الشيخ / أبو ذراع رحمه الله شيخ الصمدة وعموم الظفير في زمنه وغيرهم ويقول في قصيدته :-

البارحه يا شعيل يا حيـل أبـا الحيـل= والعين عـن نـوم المخاليـق فـرّه
لا هملجـت لكـن فيهـا سمالـيـل= وإلا النويفـج لايعـه عقـب ذره
من الهجس والهاجوس والعدل والميل= وقالات مالـي بـه بلتنـي بشـره
لا جن نجـوم الليـل مثـل القناديـل= وأكهف على الميزان نجـم المجـره
غديت مثـل مـدوه الرجـم بالليـل= دليـل قــوم ضيعـتـه المـغـره
ولا ضاق صدري قمت أحوف المعاميل= وكيس الشقيـري فاتحيـن ٍ مصـره
ودنيت محماس وكفـي خـذا ميـل= بريـة مـن سـوق صنعـاء مقـره
يا ما حـلا صبـه بربـط الفناجـيـل= دولابـةٍ كـنـك بسـلـك تـجـره
وشربت مـن بكـره ثلاثـة فناجيـل= وخذيت مـن زيـن الغلاويـن جـره
مزيـت ما يكـوي قلـوب المغاليـل= لـو إن شربـه ما ذكـر بـه مسـره
أحد عشـاه البـر ومفطـح الحيـل= وأحد عصيـده يلعـط الكبـد حـره
وأحـد يلاعـب لابسـات الخلاخيـل= وأحـدٍ عجـوز ذاق منهـا المضـره
يالله تعدلهـا عـن الضلـع والميـل = ولا تميلهـا علـى النـاس مــره

وجزاك الله خيراً ولا هنت واسلم وسلم والسلام .