[عبدالله القريشي]

انا البارحه مانمت ليلي من العبرات = امش المدامع واحفت العين ناضرها
تذكرت عقب البعد يابدر وقتاً فات = ودياراً على وقتاً مضى كنت خابرها
لعل الحيايمطرعلى دارها زخات = تجيها الوسوم من اول السحب واخرها
على شان اهلها منقع الطيب والعادات = لهم دور في ماض القبايل وحاضرها
لعله يمرارماح مع روضة التنهات = وروضة اخريم اٍلى طلع نبت زاهرها
عليها يتوق القلب معادفيه اسكات = اناكيف بصبرعقب شوفة مناضرها
زماناً يخلي مولعين القلوب اشتا ت = عسى الله على الفرقا اعيوني يصبرها
حدتني على الفرقاظروفي وحب الذات = نسوج الفيافي والمراجل اندورها
اناوين بلقى اللي الى قلت ودوهات = يسد اللزوم وكلمت ابشر محضرها
الى قلت لى لازم يقول ابرك الساعات = وكمومه الى مني نخيته يشمرها
يحب السفروالاكل والنوم له حزات = وشماغه على الطبلون دايم مزبرها
رفيقاً يقضي لازمي ساعة الحاجات = وانا فزعته عندي كبيره واقدرها
على موتره سيفين بالباب والوحات = يمر المراكزكلهاما يعبرها
يجيهم ويمشي مايقولون هات اثبات = مافتح دروجه للبطاقه يدورها
على بنزشد البشرما ياخذالهويات = يشوف الملف وسرعته مايقصرها
بمشيه من مهد الذهب حزة الصلاة = مع الله وكبر يوم لجة منابرها
وبعطيه خطاً يوصله ناطح النبات = ابومجلساً فيه المعاميل صاطرها
ابوبدرلامن الردي شاور الخوات = بفعل المراجل حرمته مايشاورها
سلملي عليه وقل رساله وبعض ابيات = وانا عندكم رد المكاتيب ناطرها
رفيقك شكالك فايض الهم والضيقات = وباقي همومه داخل الصدرحاشرها
لامنه بدا المشراف هم جربالونات = تحطم ضلوع القلب كنك تكسرها