اسعد الله مسائكم جميعاً--
من شان الأصحاب والجمهور واسلوبه =ابعتذر يوم عنكم طول اغيابي
اصبر ولكن شوقي زاد منسوبه = تدرون شوقي لكم وشلون سوابي
احس بالصدر نار السمر مشبوبه =منها محاني الظلوع وخافقي ذابي
والقلب لاغاب عنكم يحسب ذنوبه =دلوٍ غدت بين مياحٍ وجذابي
اليا تذكر سوالف ناس محبوبه =قامت تعلابه اشواقه ويرقابي
اثره صحيح المولع يرمي بثوبه = لاصار ماله امل في شوف الأحبابي
يمشي ليا اقفى بوسط الدرب يادوبه = يسحب خطاويه كنه يسحب هضابي
وتسابق الريح رجله لااتجه صوبه =يبدي على شانهم في كل مرقابي
هذي شعوري مترجمها ومكتوبه =وارجو عسى للجميع يوصل كتابي
ويقراه ناسٍ يزورونه ومروبه =يمكن يجيهم خبر شكواي وعتابي
اللي وصل ذكرهم قلبي وحلوبه= من بعد ماكسرو رمحي ومشعابي
ثنيت دونه وتالي الوقت قفوبه =واليوم ادور عليهم واشعب اركابي
ادور القلب واسأل وين راحوبه = واصبحت مابين ناب وبين مخلابي
لاعلم لاذكر مدري وين طاروبه= مخطوف بيدين قاسي قلب وارهابي
فزعة هل الجود والمعروف مطلوبه=واللي زبنهم نهار الضيق ماخابي