[خيَّال الغلباء]

يالله يا اللي بيديك التساهيل=ولا فيه شين عنك فالكون خافي
يا ناصر محمد وقبله هل الفيل=تجعل لنا من جود سترك لحافي
ومن بعد تكبير (ن) وحمد (ن) وتهليل=بدعت لي قافن كما الدر صافي
سلام يا سبيع الرجال المشاكيل=اللي بطاريهم تطيب القوافي
ربعي هل الغلباء هل البن والهيل=وهل الشجاعة والنفوس الخفافي
اللي ليا صفو على سبق الخيل=طريحهم تبني عليه السوافي
رماح والخرمة ورنيه بتفصيل=رجالهم لا قال بالفعل يافي
وباقي الرجال الهم معزة وتبجيل=والطيب ثوب (ن) فوق راعيه ضافي
توارثوها طيب جيل (ن) بعد جيل=يا ما لفو والفا عليهم ملافي
في دارهم يطربك صوت المعاميل= مهيب دار اهل النفوس الضعافي
ثم صب رسلان على وزنه الكيل=فنجالها عن ضيقت الصدر شافي
ومن بعدها تقلط على قرح الحيل=بصوانين جزله كبار (ن) انضافي

صح لسانك وسلم نبضك وبنانك وإعتلا شانك على هذه القصيدة الرائعة