[محسن الفراعنة]

السلام عليكم ورحمة الله وبركاته

خير الكلام ماقل ودل !

مبروكم فوز أبو محمد بقلوب الملايين ومبروك سقوط شاعر المليون في قلوب الملايين .

( الشعر جابه ناصر والبيرق راح بالتلاعب )


هنا قصيده جائتني بشكل شخصي وهي أهداء من الشاعر /عبدالله بن حماد الشهراني لكافة قبائل سبيع خاصه

وجمهور ناصر الفراعنه بشكل عام ..!


وهي تعريب عن التظامن مع الحقيقه ..!


والقصيده تقول ..!

:

:

عسى البيرق اللي راح يفدى رجال سبيع
وماهوب رافعها ولاهو موطيها

مدامه غدا بالبيع مانقبل البيع
تموت الرجال ولايبين الرد فيها

ثلوج جمعها الليل لاجا النهار تميع
وتبقى الجبال الراسيه في معاليها

وياشعر المليون لا تطري التشجيع
خلاص أنكشف قلب الحقايق بتاليها

ولولمعك راعيك ماينفع التلميع
مدام البشر تفهم على من يمشيها

تحط الخدوش اللي سواليفهم تجميع
على روس قوم تظهر الماء قوافيها

ولو يحظر الانصاف محد يذب الريع
ياكود فرعون القصايد ومدميها

هذي رساله حق ماتقبل التشييع
عني وعن شهران واللي يواليها

وســــلامتكم