حلول عصريه === تفضل بدخول!!!!!!
كُتب : [ 06 - 08 - 2003 ]
يامرحبا وياهلا:D
بصراحه شفت نفسي فاضي  قلت خلني اكتب موضوع بس لايكون اي موضوع لازم اكسر خشم موصاحي
واعلمه اني مانيب سهل لآنه منصب علي على كلام المدير بس (على ماظن انه على الجميع هذا والله اعلم )
والمهم
نرجع لموضوعنا وش قلنا نبي موضوع مفيد وجيد ومزركش على قولة ابو ناصر (صح ولا غلطان تراي ماعرفه)
المهم
رحت بخاطري وجيت ودورت وحست وقلت ابي مشكله صح تورق مضاجع الحكماء وتوديهم يم الصحيه
وتقلب الدنيا فوق حدر وتعطي ملامح تغير في العصر وتذب الغشما اللي ماتوصلو لحلول محتاجينها الأمه والشعب والناس الى مزبلة التاريخ
المهم
جتني فكره فكرت وياولد ها وش رايك تنفع تعقد ابو سهم ولا لا موصاحي كذلك لالا هذي سخيفه
المهم
وبعد تفكير عميق جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا جدا
قلت العنوسه هذي هي يبيلها حل وطرت على افكار لولبيه مثل الأعاصير المتتابعه
المهم البنات عنسن وقعدن في بيوتهن ومشكلتهن مشكله قلت الحل هو الإنطلاق في الإتجاه المعاكس
لان في الفيزياء ايام المدرسه كان يقولي ابو سته مدرس الفيزياء لكل فعل انتو معايه يا عساعيس انتو يامخرومين ياوحوش ... كنا بنؤل ايه ايوا لكل فعل ردة فعل مساويه له في القوه ومعاكسه له في الأتجاه
نهظت وقتها وترجلت مثل راعي العسله وقلت هاك الفعل وانا ولد بيي زوووووووووووووفف جته الطبشوره
مروحه وقلت هات ردت الفعل كانك ولد مصري
الرجال انتفخ وحمر وقف شعره قلت الله يستر
ولحظه
لا يوم انفش وقال كلمته المعهوده
ربنا يسامحك
المهم
وش قلنا نرجع لكلامنا قلنا نروح لعكس البنات (العوانس) يعني الشباب وما ادراك ما الشباب
ايوا قلت الشبا ب مسوي زحمه بالشوارع وكل يوم حادث ولله يعين رجال الأمن من وين يلقونها من هالعربجيه ولا المفحطين ولا من الغشمان للي لابسين نظرات حالاتي
المهم
الحل ماتقص مدرسة دله الرخصه الا للي عنده مره يعني اللي عزوبي يشتريله سيكل الله لايهينه
الإستفاده
خففنا الزحمه على الشوارع وريحنا بعض الكباري وبلاش يعوطونا البلديه مشاريع فاشله وخطط ماورها سنع
وبعدين تقل السيارات على الخطوط السريعه والمدن ولاعاد فيه مطردات اخر ليل ومفحطين يكون الرجال ظابطن نفسه وعارف ان وراه مسؤليه ولازم يكون راكز عشان ماينقص قدره قدام المدام ويكبر بعينها ......
واهم شيء انه طاح شي من الحمل من كاهل العانسات واعرس نسبه ليست بالقليله
وبعدين خلنا ندور مشكله
ايوااااااااااااااا بناسبة العطله
في مشكله الحجوزات في المطارات كل مارحنا طحنا في الإنتظار مشكله نقول بعد ايضا لايركب الطياره الا العوايل فقط والعزوبي على النقل الله يساعده ويطلب الله تجي شركة طيران ثانيه ويتعدل الوضع لأنه بصراحه مايل
الأستفاده :
اول استفاده تفتك المضيفه من ترزز العزوبي او اللي جاي لحاله لان بعض المتزوجين عيونه دايم برا الله يعافيهم ولا يبتلينا ولايكون في مضايقات تجي تلقا كرسيك يالعزوبي ثنائي وجنبك sestar تحسبونه يقول بيغير
لا مايصدق خبر وتقول مبشر
وبعدين تكون الطياره كلها عوايل كلن يناظرعلى اهله وماله شغل بالناس
وبعدين نستفيد من دعاء (((((بعض)))) العزوبيه وتجي شركه ثانيه ونمنعهم منها بعد وش ورانا
ايه....ايه ( حسينا بالمسؤليه )
المهم فيه مشكله بعد الا وهي الوظائف هي من اعجز المشاكل وبجيبلها حل لاتخافون
ايه لقيتها :D:D
مايتوظف اي شخص سواء في القطاع العسكري او المدني الا متزوج ويكون قرار فاصل لان العزوبي يدخل عسكري ويقعدلي نص عمر يجمع مهر ونص عمره الثاني يجمع حق فله وهو مستاجر ويموت ويخلفله 20 بزر وين توديهم الدوله حرام عليكم ؟؟؟؟؟؟؟؟؟؟؟؟!!!!!!!:(
وبعدين هالبنيه( البنت يعني ) اللي تدرس لين تخلص الجامعه ليه وشهوله المطمطه زوجها لواحد مثلها متخرج من الثانويه واله يرزقه بالوضيفه وركوب الطياره والسياره
ولا تنسون ان الحمراني والجميح بعد هالكلام وتطبيقه بياكلون هوا وترجع قيمة الددسن مثل ايام الطفره
الله يايام الطفره كانو الناس يشترون الددسن 83 بقيمت 16000 ريال وكاله بشحمها ( ياوله الرخص)
المهم
لاتنسون ان الكاهل خف له شوي (الا قل انتهى ماعاد به كاهل)
المهم
غلى المهور اذا صار الرجال مايتوضف ولده الا اذا تزوج وش توقعون بيخلي بنيته مهرها 150000 ريال
ولا 15 ريال هاه شفتوا اني مانيب سهل
المهم
مشكلة الهاتف والصرفيه الزايده
لا يصرف للرجل شريحة جوال الا بدفتر عقد القران لا والتلفون بعد يمنع عنهم ونرتاح
من هل الشقق اللي متجمعين فيها شباب ماوراهم الا هالتلفزيون والنت وبلوت وتسدح
مثل بعض الناس :D حلاتي:D
المهم
عالجنا بعض المشاكل لهذا ليوم ونوعدكم بمزيد من الحلول
لا تنسون ترشحوني في مجلس الشورى بعد 20 سنه ;)مع احلى واعبق التحيات والأماني الممزوجه بالروائح التى تبعث البهجة والسرور
اخوكم
الــغريــب
سارس سابقا لأحتجاج الرقابه
بتصرف
الغـــريـــب
|