بسم الله الرحمن الرحيم :
اخواني الاعزاء .... هذي اول مشاركه معكم في منتداكم ... واتمنى التوفيق من الله
وحبيت اعبر عن حاله مرت علي و ممكن تمر على الكثير من اخواننا في هذه الايام خاصه
واتمنى كذلك من اخواني وخاصه الشعار بالنقد البناء اذا وجد هناك نقد ......
وسوف ابتدي معكم بقصايد اجتماعيه .... اذا نجحت هذي التجربه المتواضعه امام منتداكم
الذي يزخر بشعراء لهم قصائد ... تنبي عن وجود شعراء عمالقه . حسب مااتضح من تصفحي للمنتدى
بسم الله .
الشهاده جبتها وقال ابويه يابعدي = وفرح معيه شايبي بالشهاده والنجاح
وقالت العجوز يالله تخلي لي ولدي = وشفت انا في عيونهم فرحتي والانشراح
وقلت ل الشيبان هالحين وقتي و سعدي = وابشروا بالخير مني سعدكم والفلاح
ورحت طاير بالشهاده واغني واعدي = ضامن التسجيل والهم عني راح راح
الحق الحق ياولد صار فالوضع اطردي = واغنم اللي تلحقه بالشهاده والصياح
وجيت اقدم فرحتي واتقدم بجهدي = بعد توفيق الولي والسنين من الكفاح
وامسك الطابور ومعي الشهاده في يدي = من ظلام الليل لين ابتداء نور الصباح
وجيت لي ياناس واحد عسى فاله ردي = قال ناقص مع شهادتك شي ٍ لك مباح
قلت وشهو قال ياشيخ برى وابعدي = السلاح الواسطه روح دور لك سلاح
قلت والله ما اعرف الا من الناس مهدي = جندي أول يمسك الزام دايم في نساح
وانتهت لي رحلة الحلم قدّام ابتدي = والسبب في حظي اللي يحب الانبطاح
وسلامتكم
اخوكم / خربوش بن حنتوش
ـــــــــــــــــــــــــــــــــ