[سناني]

لكل واحد احلام يتمنى تحقيقها و من بين احلامي ما كتبته هنا

هذا وقتي ودي أكتب من جزيلات القصيد = و أبهر الدنيا بفنٍ به يفاخر كل جيل
و أجعل العالم بأسره يشهد إني له أجيد = أبدع الفكرة و أقوله و الجمل فيها دليل
و أصنع الكلمة و أجيبه بالوزن كني لبيد = في زمانٍ ما يفرق بين ضعفه و الثقيل
همي إني ودي أصبح للشعر رمزٍ جديد = يفتخر بي من عرفني و يفتخر فني الأصيل
لأنه يعرف له صغيرٍ أنولد شاعر مُجيد = يبدع الأبيات جزله ما يقول إلا جزيل
و إن بغيت أكتب قصيده اطلب الفكر البعيد = تجتمع لي ألف فكره وكل فكره لي تميل
لأني من نسل العوامر و الشعر فيهم مَجيد = كل جيلٍ به عباقر و العباقر له سَليل
كلما شابت اسودٍ شبلها لازم يعيد = مجد غابر في زمانه و الزمن نحوي يميل
لان باسمي اسم جدي يذكره بحرٍ و حَيَدَ = وذاك طيرٍ ما نساه و ما نست دمعة تسيل
ما نسوا مبدع متوج لـلقصايد و النشيد = شاعر لا قالوا شاعر ما أنوجد مثله مثيل
حلمي إني في بروزي انتشر دايم و أجيد = و استحق كلمة لا قالوا شاعرٍ مثله قليل
هذي حلمي يا جماعه و الله في خيره يزيد = و الله يرزقني جزيلٍ في قصيدي و المقيل